2017-10-17 06:58:11 clouds 27o High | Kigali Rwanda

Dukurikire:
 
 

Beach Volleyball: Ikipe y’u Rwanda abonye itike y’igikombe cy’Isi

Yanditswe na IMVAHO NSHYA

Kuya 2017-05-16 07:16:36

 
Share on:
 
Yasuwe:69
 
Yavuzweho:200
 
10
 
10

Ikipe y’igihugu mu mukino wa Volleyball ikinirwa ku mucanga “Beach Volleyball” mu bagore yegukanye igikombe cya Afurika “African Beach Volleyball Cup of Nationals” bituma ibona itike y’imikino y’igikombe cy’isi kizabera i Vienne muri Autriche tariki 26 Kamena kugeza 05 Nyakanga 2017.

Iyi mikino y’Afurika yaberaga i Maputo muri Mozambique yasojwe tariki 14 Gicurasi 2017, aho ikipe y’igihugu y’abakobwa igizwe na Mutatsimpundu Denyse afatanyije na Nzayisenga Charlotte yegukanye igikombe itsinze Maroc ku mukino wa nyuma amaseti 2-1.

Ikipe y’igihugu y’abagabo igizwe na Ndamukunda Flavien afatanyije na Akumuntu Patrick Kavalo ntabwo yabashije kubona iyi tike nyuma y’uko irangije ku mwanya wa gatanu.

JPEG - 33.9 kb
Mutatsimpundu na Nzayisenga Charlotte begukanye igikombe cy’Afurika bakanabona itike y’igikombe cy’isi

Ntabwo ari ku nshuro ya mbere iyi kipe y’igihugu y’abakobwa igiye kwitabira imikino y’igikombe cy’isi kuko yaherukaga kwitabira iyi mikino mu batarengeje imyaka 23 yabereye muri Pologne mu 2013.

Uko amakipe y’u Rwanda yitwaye mu mikino y’Afurika

Ikipe y’abakobwa yari mu itsinda B, yabanje gutsinda Afurika y’Epfo amaseti 2-0, Nigeria 2-1, batsindwa na Namibia ku maseti 2-1, bongera gutsinda Sudani (2-0) na Kenya (2-0). Iyi kipe yasezereye Mozambique yari mu rugo muri ½ ku maseti 2-1.
Mu bagabo, ikipe y’ u Rwanda yari mu itsinda rya mbere yatsinze Mauritius amaseti 2-0, Sudani 2-0, Benin 2-0, itsindwa na Mozambique amaseti 2-0 na Maroc 2-0.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE