2017-10-18 07:01:40 clouds 27o High | Kigali Rwanda

Dukurikire:
 
 

Minisitiri w’Intebe yasabye ibihugu bya Afurika kubyaza inyungu urwego rw’amagereza

Yanditswe na IMVAHO NSHYA

Kuya 2017-05-15 11:12:27

 
Share on:
 
Yasuwe:276
 
Yavuzweho:200
 
10
 
10

Minisitiri w’Intebe w’u Rwanda, Anastase Murekezi yahamagariye ibihugu bya Afurika gucunga gereza zabyo kinyamwuga ku buryo zizajya zinjiza amafaranga afatika mu isanduku ya Leta kandi n’abazirimo bakabona ibibatunga.

Yabivugije mu Nama ya Kane y’Ihuriro Nyafurika ry’Inzego z’Amagereza (ACSA)yabereye i Kigali kuri uyu wa 15 Gicurasi 2017; yari ifite insanganyamatsiko ivuga ku “Kubaka Urwego rw’Amagereza rwa Kinyamwuga muri Afurika”.

Murekezi yavuze ko ibihugu bya Afurika byose hamwe bihuje intego yo guhindura no kunononsora imikorere ya za gereza, bigafatanya guteza imbere uru rwego muri rusange.

Ati “ Bijyanye na gahunda yo kwigira no kwihesha agaciro nk’Abanyafurika twiyemeje kugeraho.”

JPEG - 161 kb
Minisitiri w’Intebe, Anastase Murekezi n’uw’Ubutabera, Johnston Busingye, mu muhango wo gufungura ku mugaragaro inama ya 4 ya ACSA

Yavuze ko ibihugu bya Afurika, urwego rw’abikorera na sosiyete sivile byose bifite inshingano yo gufasha Ihuriro Nyafurika ry’Inzego z’Amagereza, ariko bikanyura mu gufatanya kugira ngo za gereza zihinduke ibigo bibyara umusaruro.

Yagize ati “Nagira ngo mbibutse ko gukoresha abagororwa mu bikorwa bibyara inyungu bibagirira akamaro, bikakagirira gereza barimo n’ibihugu byabo muri rusange.”

Yongeyeho ko Ihuriro Nyafurika ry’Inzego z’Amagereza rikwiye kongera ingufu mu gukorana n’Ibigo Mpuzamahanga kugira ngo abayobozi ba za gereza bazarusheho kunguka ubumenyi mu micungire n’imiyoborere.

JPEG - 78.2 kb
Umuyobozi wa RCS Rwanda, Brig. Gen. George Rwigamba ageza ijambo ku bitabiriye inama

Minisitiri Murekezi kandi yavuze ko ibizava muri iyi nama yabereye i Kigali bizagira akamaro mu kurushaho kugira Inzego z’Amagereza zitanga umusaruro kandi zicunzwe neza muri Afurika.

Yabamenyesheje ko u Rwanda rwafashe iya mbere mu kuzamura ibikorwa remezo muri gereza zarwo.

Yongeyeho ko u Rwanda rwubahiriza gahunda z’uburenganzira bwa muntu kuko rwakuyeho igihano cy’urupfu muri 2007, ndetse bamwe mu bashinjwaga ibyaha bikomeye birimo Jenoside yakorewe Abatutsi mu 1994 bagashyirirwaho gahunda y’imirimo ifitiye igihugu akamaro.

U Rwanda kandi rubungabunga ubuzima bwa buri mugororwa dore ko bashyiriweho ubwisungane mu kwivuza kimwe n’abandi baturage bose.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE