2017-12-13 09:46:30 clouds 27o High | Kigali Rwanda

Dukurikire:
 
 

Gatsibo:Batewe impungenge n’indwara batazi yibasiye umuceri

Yanditswe na IMVAHO NSHYA

Kuya 2017-05-15 06:22:50

 
Share on:
 
Yasuwe:90
 
Yavuzweho:200
 
10
 
10

Abahinzi b’umuceri bahinga mu gishanga cya Ntende giherereye mu Karere ka Gatsibo, bavuga ko muri iyi minsi umuceri mugufi uzwi ku izina rya ‘Yuni Yuni’ wibasiwe n’indwara iwangiza, kandi ari wo wajyaga ubaha umusaruro ufatika.

Hegitare ziri hagati ya 520 na 600 ni zo aba bahinzi bahingaho umuceri wa Yuni Yuni, gusa nk’uko babyivugira ngo muri iyi minsi wibasiwe n’indwara bataramenya iyo ari yo.

Bamwe mu bahinzi baganiriye n’Imvaho Nshya, bavuga ko uko umuceri uba ukura, ngo hagenda habonekamo ugira ibara ritukura.

Aba bahinzi bemeza ko mu mikurire yawo ugaragaza ko weze ariko uteze, ikindi kandi, ngo uwo muceri uba urwaye wanduza undi mu gihe gito cyane, bajya kubona bakabona no mu bice bihinzwemo umuceri muzima naho watangiye gutukura.

JPEG - 229.8 kb
Umuceri weraga cyane niwo wibasiwe n’indwara itaramenyekana

Bapfakurera Diogene, yabwiye Imvaho Nshya ati “Ako gaceri iyo wibeshye ukagatwara mu wundi muceri ukagatera, ni cyagihe usanga kazamuka gatukura kandi kakagaragaza ko keze hakiri kare, rero iyo utagakuyemo usanga rimwe na rimwe gashaka no kwanduza uwundi, ni ukuvuga ko kagenda gafata ibitarutaru kanduza umuzima.”

Ibi kandi binagarukwaho na mugenzi we Hategekimana Erneste ugira ati “Ariko noneho n’iyo umaze kuzamuka mwarateye amafumbire ugaterera ugiye nko kuzana imbuto akumba kagatangira kuma, kakuma kateze, iyi ndwara nta bwo turayibonera izina rwose.”

Umukozi w’akarere ka Gatsibo ushinzwe gukurikiranira hafi ubuhinzi bw’umuceri muri iki gishanga cya Ntende, Hishamunda Patrick, avuga ko mu bushakashatsi bari bakoze basanze iyi ndwara ifite ibimenyetso bidasanzwe.

Yagize ati “Twatangiye kubibona mu buhumbikiro, wabonaga imbuto zigenda zimera zigira ibimenyetso bidasanzwe, twavuganye na RAB baragenzura basanga ni indwara nshya itaramenyekana, ariko baracyakora ubushakashatsi dushaka n’umuti w’ukuntu twayirwanya, Yuni dusa nkaho twagabanyije kuyihingaho gato, ahandi tugahingaho imbuto ndende.”

Abaturage bemeza bemeza ibishanga bihingwaho umuceri muri aka karere ka Gatsibo byahinduye imibereho yabo, kuko babona umusaruro ushimishije, bakabona amafaranga bakiteza imbere.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE