2017-11-17 14:59:33 clouds 27o High | Kigali Rwanda

Dukurikire:
 
 

Zimbabwe: Pasiteri yariwe n’ingona agerageza kugendera hejuru y’amazi nka Yezu

Yanditswe na IMVAHO NSHYA

Kuya 2017-05-15 05:33:41

 
Share on:
 
Yasuwe:1634
 
Yavuzweho:200
 
10
 
10

Umupasiteri wo muri Zimbabwe wageragezaga kwigana igitangaza cyo muri Bibiliya cya Yezu agendera hejuru y’amazi yariwe n’ingona mu cyumweru gishize.

Uwo mupasiteri witwa Jonathan Mthethwa wo mu itorero ry’Abatagatifu bo mu Minsi ya Nyuma yateranyirije abakirisito ku mugezi n’ubusanzwe witiriwe ingona “Crocodile River” mu gace ka Mpumalanga.

Ikinyamakuru Herald Zimbabwe kivuga ko ubwo yageragezaga kugenda hejuru y’amazi yarohamye, abakirisito bakabona ingona eshatu ziri kumutera imikaka zimucuranwa.

Umwe mu bakirisito be, Diyakoni Nkosi yagize ati “ku wa Gatandatu, pasiteri yatwigishije ibijyanye n’ukwemera. Yatwijeje ko aratwereka ukwemera kwe uyu munsi ariko ku bw’ibyago, byarangiye arohamye, asamirwa hejuru n’ingona eshatu nini tubyirebera n’amaso. Kugeza ubu ntabwo twari twakira ibyabaye kuko yari amaze icyumweru cyose yiyiriza kandi asenga.”

JPEG - 52.9 kb
Ingona zamusamiye hejuru ashaka kugendera hejuru y’amazi

Abatangabuhamya bavuga ko Pasiteri Mthethwa yabanje kugenda mu mazi yagera muri metero 30 akagerageza kuzamuka ngo ayagende hejuru ariko izo ngona ngo zihita zimusagarira ziramurya.

Diyakoni Nkosi yongeyeho ati “Zamumaze nta n’iminota ibiri ishize. Zamumaze wese hasigara inkwero ze za sandari n’ikariso ari byo bireremba hejuru y’amazi.”

Inzego z’umutekano zahise zitabara zihagera nyuma y’iminota 30 ariko zisanga ingona zamumaze.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE