2017-12-13 09:46:30 clouds 27o High | Kigali Rwanda

Dukurikire:
 
 

USA: Perezida Trump yirukanye umuyobozi wa FBI

Yanditswe na IMVAHO NSHYA

Kuya 2017-05-10 06:51:11

 
Share on:
 
Yasuwe:371
 
Yavuzweho:200
 
10
 
10

Perezida wa Leta Zunze Ubumwe za Amerika, Donald Trump ku wa Kabiri yirukanye umuyobozi w’ibiro by’iperereza, FBI, James Comey amuziza gukingira ikibaba Hillary Clinton.

Ibaruwa Trump yandikiye Comey ivuga ko adashoboye kuyobora neza FBI. Ni mu gihe ibi biro byari bigikora iperereza ku kuba u Burusiya bwarashyigikiye Trump mu matora.

Trump yagize ati “ Nubwo nishimiye kuba waramenyesheje inshuro eshatu ko ntari gukorwaho iperereza, nemeranyije n’Urwego rw’Ubucamanza ko udashoboye kuyobora neza FBI.”

JPEG - 51.6 kb
James Comey

Yongeyeho ati “Ni ngombwa ko dushaka undi muyobozi wa FBI uzayigarurira ikizere mu baturage n’imbaraga mu kazi k’ingenzi ko kubahiriza itegeko.”

Perezidansi ya USA yahakanye ibivugwa na bamwe mu barwanashyaka b’abademokarate bavuga ko kwirukana Comey bishingiye ku nyungu za politiki za Trump.

Umuyobozi w’Abasenateri b’Abademokarate, Chuck Schumer yavuze ko yavuganye na Trump amubwira ko akoze ikosa rikomeye mu kwirukana Comey, ariko ngo Trump ntiyagira icyo amusubiza.

James Comey yakunze kugarukwaho mu matora ya Perezida y’umwaka ushize ubwo yavugaga ko Hillary Clinton ari gukorwaho iperereza kubera ubutumwa bwe bwo kuri murandasi bwari bwinjiriwe n’abashimusi bigatuma amabanga ya leta ajya hanze.

Biri mu byo Hillary yashyize mu majwi ahamya ko byatumye Trump amutsinda. Umushinjacyaha wungirije Rod Rosenstein avuga ko Comey yirukanwe kubera ukuntu yaburiye Hillary ko ari gukorwaho iperereza.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE