2017-12-13 09:46:30 clouds 27o High | Kigali Rwanda

Dukurikire:
 
 

Musanze: Ibiraro byangijwe n’imivu y’amazi ava mu birunga bigiye gusanwa

Yanditswe na IMVAHO NSHYA

Kuya 2017-05-10 05:59:44

 
Share on:
 
Yasuwe:78
 
Yavuzweho:200
 
10
 
10

Nyuma y’aho imivu y’amazi y’imvura ava mu birunga yangirije bimwe mu biraro byo mu murenge wa Muhoza, akagari ka Ruhengeri mu mudugudu wa Kabaya, ubuyobozi bw’umurenge wa Muhoza buravugako mu gihe gito ibi biraro biratangira gukorwa.

Abaturage banyura ku biraro biri ku mugezi wa Rwabeya, bagaragaje impungenge batewe no kuba ibi biraro byarasenyutse, ndetse bagaragariza ubuyobozi ko hari n’ibitarasenywe n’iyi mvura ariko n’ubundi bishaje cyane ku buryo byateza impanuka isaha iyo ari yo yose.

Nzabonimana Robert, umuturage wo mu mudugudu wa Kabaya, yagize ati “Uretse no kuba imvura yo mu birunga ikomeje kudusenyera bimwe mu biraro, ariko na none dufite ikibazo ko n’ibihari binashaje, hari umugabo uherutse kugwamo ubu arwariye mu bitaro bya Ruhengeri, abana bacu kugira ngo bagere ku mashuri bisaba ko tubaherekeza.

JPEG - 187.1 kb
Mu mudugudu wa Kabaya basigaranye ikiraro kimwe na cyo gishaje( Foto Ngaboyabahizi P)

Twifuza ko twasanirwa ibi biraro wenda bagashyira ho ibindi biti tugakomeza kwambuka, kandi n’aho twagahungiye ubu ibiraro bibiri byose byaracitse dusigaranye aho twambukira ku biti bibiri na byo bishaje, kandi twiteguye gutanga umusanzu”.

Uyu muturage kimwe na bagenzi be bagaragaza ko ibi biraro bibafatiye runini mu buzima bwabo bwa buri munsi, kuko usanga bafite ibikorwa hakurya no hakuno y’uyu mugezi, ku buryo mu gihe ikiraro cyangiritse usanga ubuzima busa n’ubwahagaze.

Uretse n’ibikorwa byabo kandi ngo hari n’ibikorwa remezo nk’amashuri n’amavuriro usanga ababikeneye basabwa kwambuka uyu mugezi, ku buryo hatariho ikiraro biba ikibazo gikomeye cyane.

Umunyamabanga Nshingwabikorwa w’umurenge wa Muhoza Manzi Jean Pierre, avuga ko ikibazo cy’ibi biraro ubuyobozi bwamaze kukimenyeshwa, ubu hakaba hari gushakwa uko byasanwa, haherewe ku byangiritse cyane kandi binakoreshwa cyane.

Yagize ati “Ikibazo cy’ibiraro muri Muhoza bitwarwa n’imvura ibindi na byo koko birashaje, ubu rero hari gahunda yo gusana ibyangiritse dushyiraho ibiti bikomeye, kuko buriya nta bwo umurenge wakwigondera ikiraro uhereye ku mafaranga burya gitwara.

Ariko ndizeza abaturage bo mu mudugudu wa Kabaya n’ahandi muri Muhoza ko mu gihe kitarenze icyumweru kimwe muri ibi biraro kizaba cyakozwe hanyuma n’igisigaye kikazakorwa mu minsi iri imbere”.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE