2017-12-11 14:03:29 clouds 27o High | Kigali Rwanda

Dukurikire:
 
 

Afurika ntiyatera imbere nta mahoro n’umutekano – Perezida Kagame

Yanditswe na IMVAHO NSHYA

Kuya 2017-05-05 13:13:10

 
Share on:
 
Yasuwe:224
 
Yavuzweho:200
 
10
 
10

Perezida w’u Rwanda, Paul Kagame kuri uyu wa Gatanu yakiriye abagize Akanama k’Amahoro n’Umutekano k’Umuryango w’Ubumwe bwa Afurika, AUPSC, bari mu mwiherero ngarukamwaka mu mujyi wa Kigali.

Yababwiye ko bakwiye kurushaho kugira uruhare mu guteza imbere umugabane wa Afurika, basigasira ibimaze kugerwaho binyuze mu kubungabunga amahoro.

Yagize ati “ Nta mahoro n’umutekano iterambere ntiryagerwaho. Dukwiye kureba uko twarushaho gukora, n’icyo twakora ngo umugabane wacu ukomeze gutera imbere, twubakiye kubisanzwe biriho.”

Umukuru w’Igihugu yabibukije ko nta wundi Abanyafurika bazatega amaboko, kandi ko uyu mugabane udakwiye gucika intege ngo wemere gusigara inyuma.

Ati “Ni ngombwa kuzirikana ko nta handi tugomba kureba uretse kuri twebwe ubwacu. Ni nk’aho twemeye gusigara inyuma, tukemera ko ari ho umwanya wacu uri. Njye si ntekereza ko uyu ari wo mwanya udukwiriye.”

Perezida Kagame yanavuze ku mpinduka mu mikorere ya AU zakozwe n’impuguke yari ayoboye avuga ko zigamije kurushaho kuzamura umugabane wa Afurika.

Ku cyumweru kandi umukuru w’igihugu azakira ba minisitiri b’ububanyi n’Amahanga b’ibihugu bya Afurika baganire ku buryo izo mpinduka n’amavugurura byakwihutishwa.
.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE