2017-10-18 07:01:40 clouds 27o High | Kigali Rwanda

Dukurikire:
 
 

Afrika y’Epfo: Perezida Zuma azasobanura icyamuteye kwirukana minisitiri w’imari

Yanditswe na IMVAHO NSHYA

Kuya 2017-05-05 09:23:17

 
Share on:
 
Yasuwe:218
 
Yavuzweho:200
 
10
 
10

Perezida wa Afurika y’Epfo, Jacob zuma yasabwe kuzisobanura imbere y’urukiko icyatumye avugurura guverinoma by’umwihariko akirukana Minisitiri w’Imari, Pravin Gordhan.

Kwirukana uyu mu minisitiri byateje impaka kuko benshi bamuziho ubuhanga buhanitse; byakurikiwe n’imanuka ry’agaciro k’ifaranga rya Afurika y’Epfo n’abashoramari b’abanyamahanga batinya gushora imari muri icyo gihugu batinya igihombo.

Radiyo Mpuzamahanga y’u Bufaransa RFI, itangaza ko ishyaka AD(Democratic Alliance) ry’abatavuga rumwe na leta ari ryo ryari ryatanze ikirego mu rukiko ko Perezida Zuma yahungabanyije umutekano wa Guverinoma mu kwirukana no gushyiraho abaminisitiri ku nyungu ze bwite.

JPEG - 46.5 kb
Perezida Jacob Zuma ubwo yari mu nama Mpuzamahanga yabaye i Durban yigaga uko ubukungu bw’Abafrika buhagaze ku isi ku wa 04 Gicurasi 2017(Foto Reuters)

Ubutabera bwahaye agaciro ikirego cy’uwo mutwe wa politiki, risaba umukuru w’igihugu kurushyikiriza dosiye zose yashingiyeho mu kwirukana Gordhan ku mwanya wa Minisitiri w’imari.

Zuma agomba no guha abacamanza raporo yise idasanzwe yo mu rwego rw’iperereza, yavuze ko yashingiyeho mu gufata icyemezo cyo kwambura Minisitiri w’imari umwanya yariho.

Ubwo Zuma yavugururaga Guverinoma, havutse imyigaragambyo ikomeye ku buryo abatavuga rumwe na Leta ye bamushinjaga yakoze icyo gikorwa kugira ngo we n’abambari be babone uburyo basahura umutungo wa Afrika y’Epfo.

ANC, ishyaka riri ku butegetsi muri Afrika y’Epfo rivuga ko rishobora kujuririra icyo cyemezo cy’urukiko.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE