2017-12-11 14:03:29 clouds 27o High | Kigali Rwanda

Dukurikire:
 
 

Abashoye muri “RNIT Iterambere Fund” bamaze kunguka 5.15 frws ku mugabane

Yanditswe na IMVAHO NSHYA

Kuya 2017-05-03 09:53:04

 
Share on:
 
Yasuwe:255
 
Yavuzweho:200
 
10
 
10

Nyuma y’uko Leta y’u Rwanda ishyizeho ikigega “RNIT Iterambere Fund” kigamije kongera umuvuduko w’Abanyarwanda mu iterambere binyuze mu kuzigama, kuri ubu uwashoboye kwizigamira mu igurisha ry’imigabane rya mbere, amaze kunguka amafaranga 5.15 kuri buri mugabane.

Umuyobozi Mukuru w’Ikigo gishinzwe Ishoramari ry’Ibigega by’Imigabane ku Ishoramari mu Rwanda, RNIT, Gashugi André, mu kiganiro n’Imvaho Nshya yavuze ko iyo nyungu yaturutse ku kuba agaciro k’umugabane karazamutse kakava ku mafaranga 100 kakagera ku 105.

Yagize ati “Nk’uko mushobora kuba mubyibuka, igihe twatangiraga igurisha ry’imigabane rya mbere, agaciro k’ukugabane kari amafaranga y’u Rwanda 100, ubu kuri 27/4/2017 umugabane ugeze ku mafaranga 105.15. Ibi bivuze ko umuntu washoye mu igurisha ry’imigabane rya mbere amaze kwibonera inyungu ya 5.15 kuri buri mugabane.”

JPEG - 23.3 kb
Gashugi André, Umuyobozi Mukuru wa RNIT

Gashugi avuga ko iyo bagereranyije abashoramari bamaze kugana iki kigega, bafite urwunguko ku mwaka ruri hejuru 9%. Ubu, umutungo ikigega kirimo gucunga ubarirwa mu mafaranga y’u Rwanda miliyari imwe na miliyoni magana abiri (Frw 1,200,000,000).

Bashaka ko aya mahirwe azagera kuri buri munyarwanda wese, kuko Gashugi agira ati “Intego yacu nyamukuru ni uko aya mahirwe yo kuzigama no gushora yagera kuri buri munyarwanda, akabona inyungu ituruka mu kuzigama no gushora muri RNIT Iterambere Fund. Iki ni ikigega gihoraho, twifuza ko Abanyarwanda bose, ababa imbere mu gihugu n’ababa hanze ndetse n’abanyamahanga, hakurikijwe uko amategeko abiteganya, bakigana.”

Avuga ko iki kigega kiberanye n’abantu ku giti cyabo ndetse n’ibigo, dore ko gishora 100% by’amafaranga cyakusanyije mu bicuruzwa bitandukanye, hakaba hari icyizere cy’urwunguko gihagije kandi ibyago by’igihombo biri hasi cyane.

RNIT igamije gufasha Abanyarwanda bagatera indi ntambwe, bagashobora kwizigamira bagamije gushora imari n’ubwo hakiriho inzitizi, nk’aho Gashugi André agira ati “Inzitizi zihari cyane ni izijyanye n’uko ibigega by’imigabane ku ishoramari bikiri bishya mu Rwanda. Ikindi ni uko ishoramari mu Rwanda rigikenewe gutezwa imbere.

Ariko Guverinoma y’u Rwanda yashyizeho uburyo bwinshi bwo guteza imbere ishoramari kandi RNIT ni bumwe muri ubwo buryo. Dufite inshingano yo guteza imbere umuco wo kuzigama no gushora imari.”

Akaba ahamagarira ibigo, abantu ku giti cyabo, amatsida yo kwizigamira, amakoperative n’andi mashyirahamwe, guhitamo ubu buryo bw’ishoramari butanga urwunguko rwo hejuru ugereranyije n’ahandi hose kuko urwunguko rushobora kurenga 9%.

“RNIT Iterambere Fund” ni ikigega cy’abishyize hamwe, aho abantu bakusanya amafaranga mu buryo bwo kwizigamira, umuntu atabitsa gusa, ahubwo bigira inyungu kuko ayo mafaranga ashorwa ku Isoko ry’Imari n’Imigabane.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE