2017-12-13 06:59:31 clouds 27o High | Kigali Rwanda

Dukurikire:
 
 

Maroc igiye kubaka ikibuga cya ruhago muri buri karere k’u Rwanda

Yanditswe na IMVAHO NSHYA

Kuya 2017-05-01 07:16:35

 
Share on:
 
Yasuwe:496
 
Yavuzweho:200
 
10
 
10

Intumwa z’ishyirahamwe ry’umupira w’amaguru muri Maroc ziri mu Rwanda zemereye u Rwanda ko zigiye gufatanya n’uturere mu kubaka ibibuga by’umupira w’amaguru bigezweho.

Ibi ni bimwe mu byavuye mu biganiro izi ntumwa zagiranye n’abayobozi b’uturere tw’u Rwanda, abakozi ba Minisiteri y’Umuco na Siporo na Minisiteri y’Ibikorwa Remezo yabereye muri Marriot Hotel ku wa Gatandatu tariki 29 Mata 2017.

Hajji Mouad wari uhagarariye izi ntumwa na Anouar Amaoui Gueriri wo kigo cy’ubwubatsi ya Coter Terhrazaz basobanuriye abayobozi b’uturere ko bazajya bubaka izi Sitade bijyanye n’icyerekezo cy’Akarere nyuma kagasigara kishyura buhoro buhoro.

JPEG - 143.1 kb
Intumwa zavuye muri Maroc nyuma y’inama n’abayobozi batandukanye barimo n’ab’uturere

Zifashishije ingero z’ibibuga 63 by’ubwatsi bw’ubukorano, bitanu bw’ubwatsi kimeza n’ibindi 40 bigiye kubakwa; izi ntumwa zeretse abayobozi b’Uturere ko bishoboka ko bagira ibibuga muri ubu bufatanye.

Hajji Maoud yagize ati ’’Dushobora kumvikana kubaka Sitade ijyamo abantu ibihumbi bitatu cyangwa se birenga bitewe n’icyo akarere gakeneye kakaba kanavuga kati mutwubakire ikibuga gusa iby’urwambariro tuzabikora nyuma’’.

Izi ntumwa zivuga ko bagiye kwicarana na buri karere hakorwe inyigo igaragaza icyo Akarere gakeneye hanarebwe igihe imirimo yatangirira. Muzungu Gerald, umuyobozi w’Akarere ka Kirehe avuga ko iyi gahunda izagira akamaro karimo ako kongera imyidagaduro binatume babasha kwinjiza amafaranga.

Muzungu ati ’’Kugira Sitade ntibizatuma gusa ikipe yacu ikomera ahubwo bizanazamura indi mikino tuninjize amafaranga azajya adufasha mu bindi bikorwa remezo’’.

Perezida w’ishyirahamwe ry’umupira w’amaguru mu Rwanda “FERWAFA”, Nzamwita Vincent De Gaule yasabye abayobozi b’Uturere kumva ko kubona ibi bikorwa remezo bizatuma bagira amakipe akomeye kandi yitwara neza.

Rwakunda Christian, umunyamabanga uhoraho muri Minisiteri y’Ibikorwa Remezo yemeza ko Guverinoma y’u Rwanda yishimiye uruhare rwa Maroc mu kuzamura ibi bikorwa remezo binashimangira umubano mwiza wa Maroc n’u Rwanda mu zindi nzego zitandukanye.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE