2017-12-12 14:14:08 clouds 27o High | Kigali Rwanda

Dukurikire:
 
 

Abanyamahanga bashoye imari mu Rwanda baravuga imyato Perezida Kagame

Yanditswe na IMVAHO NSHYA

Kuya 2017-04-28 08:00:00

 
Share on:
 
Yasuwe:261
 
Yavuzweho:200
 
10
 
10

Bamwe mu bashoramari b’Abanyamahanga bakorera ubucuruzi mu Rwanda kuri bo Perezida Kagame arenze kuba Perezida ahubwo ni n’umuhanga mu guhanga u Rwanda rugezweho.

Atma Prakash ni umwe mu bayobozi b’uruganda rwa Sulfo, avuga ko gukorera mu Rwanda imyaka irenga 50 bibaha kumva batakiri abanyamahanga, ibi bikanashingira ku miyoborere myiza ya Perezida Paul Kagame ushishikajwe n’iterambere ry’u Rwanda.

Ati “Uruganda rwa Sulfo rwatangiye gukorera mu Rwanda kuva mu 1962, ibi bidutera kwiyumvamo kuba nk’abanyagihugu, twishimira umutekano dukoreramo utasanga ahandi mu Karere n’inkunga Leta itera urwego rw’Abikorera. Ibi byose tubikesha Perezida Kagame kuri twe tubona atari Perezida gusa ahubwo ari umuhanga mu guhanga u Rwanda rugezweho.”

JPEG - 181.7 kb
Iburyo ni Jitendar Diwakar, umushoramari ukomoka mu Buhinde na mugenzi we bishimira ko bakora ubucuruzi mu mutekano mu Rwanda (Foto Gatete J. B)

Uyu mushoramari yishimira iterambere ry’u Rwanda rishingiye ku miyoborere myiza, ati “U Rwanda ni igihugu ntangarugero haba mu Karere kimwe no ku isi muri rusange, iyo urebye umubare w’Abagore mu nteko ugera kuri 64% iwacu mu Buhinde bari munsi ya 10% ubona neza uruhare rwa Perezida Kagame mu gutuma umugore kimwe n’umugabo agira uruhare rufatika mu iterambere ry’igihugu cye, ibi kandi binajyana n’umutekano.

U Rwanda ni igihugu gitekanye ushobora gukora na nijoro nta cyo wishisha mu gihe ahandi iyo saa moya zigeze abantu bafunga amaduka kubera ikibazo cy’umutekano, ibi byose bidutera kumwifuriza gukomeza kuyobora kuko twizeye neza ko no mu myaka iri imbere bishingiye ku buyobozi bwe u Rwanda ruzarushaho gutera imbere.”

Jitendar Diwakar we ni umushoramari na we uturuka mu Buhinde, akaba akuriye Sosiyete y’Ubucuruzi ya Satguru ikora ubucuruzi bunyuranye burimo kugurisha amatike y’indege. Atangaza ko bo nk’abashoramari bamaze imyaka 27 bakorera mu Rwanda, basanze u Rwanda ari igihugu kibereye ishoramari.

Ati “Mu Rwanda tuhakundira umutekano, ukora wumva nta mpungenge z’umutekano mu gihe mu Karere hari aho udashobora kurenza saa moya za nimugoroba. Dushimira by’umwihariko Perezida Kagame kuko kuri twe ni umuyobozi ushishikajwe no kuzamura ubukungu bw’u Rwanda.”

Iby’uruhare rwa Perezida Kagame mu iterambere ry’u Rwanda binagarukwaho n’Abashoramari b’Abashinwa bakorera mu Rwanda, umwe mu bayobozi ba Hotel ya T2000 ikorera mu mujyi wa Kigali.

Agira ati “Tumaze imyaka irenga 20 dukorera mu Rwanda, u Rwanda ni igihugu gitekanye turahishimiye, dushimira by’umwihariko Perezida Kagame wavanye u Rwanda kure aho rwari ruri nyuma yo kunyura muri Jenoside yakorewe Abatutsi rukagera aho rugeze ubu.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE