2017-10-16 07:05:01 clouds 27o High | Kigali Rwanda

Dukurikire:
 
 

Koreya ya Ruguru yasabye ibihugu bya Aziya kuyifasha kurwanya USA

Yanditswe na IMVAHO NSHYA

Kuya 2017-04-27 15:13:28

 
Share on:
 
Yasuwe:2533
 
Yavuzweho:200
 
10
 
10

Koreya ya Ruguru yaburiye ibihugu bya Aziya yo mu majyepfo y’Uburasirazuba ko bishobora kuzasigwa iheruheru n’intambara y’ibisasu bya kirimbuzi mu gihe bidafatanyije kurwanya Leta Zunze Ubumwe za Amerika.

Minisitiri w’Ububanyi n’Amahanga wa Koreya ya Ruguru, Ri Yong-Ho, yandikiye ibaruwa umunyamabanga w’Ihuriro ry’Ibihugu byo muri Aziya y’Amajyepfo y’Uburasirazuba, ASEAN avuga ko imyitozo ya gisirikare USA ikorera muri ako karere nta kindi igamije uretse guteza intambara.

Yasabye umunyamabanga mukuru wa ASEAN kumenyesha ba Minisitiri w’Ububanyi n’Amahanga b’ibihugu icumi ko mu kigobe cya Koreya hari gututumba intambara ndetse akanabasaba gutanga umuti w’icyo kibazo.

JPEG - 65.8 kb
Ingabo za Koraya ya Ruguru mu myiyerekano

Abagize iryo huriro baracyategereje guhura ngo bige ku gisubizo bagomba guha Koreya ya Ruguru nk’uko Reuters ibitangaza. Icyo gihugu gifitanye umubano mwiza na bimwe mu bihugu bigize ASEAN cyane cyane Cambodia na Laos.

Umubano wacyo na Malaysia watokojwe n’iyicwa ry’umuvandimwe wa Perezida Kim Jong Un muri Gashyantare. Byavuzwe ko Kim Jong Un ari we wamwishe akoresheje intasi ze.

Muri iyo baruwa, Minisitiri Ri Yong yasobanuye ko Koreya ya Ruguru ishaka gukora ibisasu bya kirimbuzi kugira ngo yirinde ubushotoranyi bwa USA ndetse isaba ibihugu bituranye kuyishyigikira.

Leta Zunze Ubumwe za Amerika zohereje ubwato butwara indege mu kigobe cya Koreya nyuma yo kubona ko Koreya ya Ruguru yitegura kugerageza igisasu cya kirimbuzi ku nshuro ya gatandatu.

Umuyobozi w’Ingabo za USA mu nyanja ya Pacific, Admiral Harry Harris muri iki cyumweru yatangaje ko ubwo bwato bwitwa Carl Vinson bugeze mu nyanja ya Philippines ahantu bushobora kurasa muri Koreya ya Ruguru igihe bibaye ngombwa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE