2017-12-13 09:46:30 clouds 27o High | Kigali Rwanda

Dukurikire:
 
 

Perezida Kagame yakiriye Minisitiri w’Intebe wa Ethiopia

Yanditswe na IMVAHO NSHYA

Kuya 2017-04-27 10:28:55

 
Share on:
 
Yasuwe:327
 
Yavuzweho:200
 
10
 
10

Perezida w’u Rwanda, Paul Kagame n’umufasha we bakiriye Minisitiri w’Intebe wa Ethiopia Hailemariam Desalegn n’umufasha we Roman Tesfaye baje mu Rwanda mu ruzinduko rw’akazi rw’iminsi itatu kuri uyu wa 27 Mata 2017.

Biteganyijwe ko Minisitiri Desalegn asura ibikorwa by’iterambere ry’u Rwanda bitandukanye mu karere ka Rwamagana.

Ni nyuma y’uko na Perezida Kagame muri Gashyantare yagiye mu gihugu cya Ethiopia yitabiriye inama ya 28 y’abakuru b’ibihugu bigize Umuryango w’Ubumwe bwa Afurika.

Mu biganiro Perezida Kagame yagiranye na Minisitiri w’Intebe, Desalegn, icyo gihe byibanze kuri politiki yo mu karere na Afurika. Umukuru w’igihugu yavuze ko ubufatanye hagati y’ibi bihugu buzakemura ibibazo by’imibereho myiza n’ubukungu bigihura nabyo.

Yasobanuye ko ibihugu byombi bifitanye umubano ukomeye uzabifasha gukemura ibibazo byose bihura nabyo.

U Rwanda na Ethiopia bikorana mu nzego zitandukanye zirimo igisirikare, ubucuruzi, ubwikorezi bwo mu kirere, uburezi n’izindi.

Ibi bihugu kandi bifite gahunda yo gusangira ingufu aho u Rwanda ruzavana muri Ethiopia amashanyarazi angana na MW 400.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE