2017-11-23 07:40:03 clouds 27o High | Kigali Rwanda

Dukurikire:
 
 

RSSB yatangije ubundi buryo bwo kwishyura mituweli

Yanditswe na IMVAHO NSHYA

Kuya 2017-04-27 05:46:21

 
Share on:
 
Yasuwe:675
 
Yavuzweho:200
 
10
 
10

Ikigo cy’Igihugu cy’Ubwiteganyirize, RSSB, cyatangaje ko uburyo bushya bw’ikoranabuhanga bugiye kwiyongera ku bwari busanzwe bukoreshwa n’abaturage mu kwishyura imisanzu y’ubwisungane mu kwivuza, bukazaza bwunganira uburyo bwo kwishyurira ku mabanki na koperative.

Ibi ni ibyatangajwe wa RSSB, Gatera Jonathan, mu kiganiro n’abanyamukuru cyabereye ku cyicaro cy’iki kigo, ku wa kabiri, taliki ya 25 Mata 2017.

Ati “Uburyo bwo kwishyurira muri Sacco bwari busanzwe bukoreshwa mu kwishyura imisanzu y’ubwisungane mu kwivuza buzakomeza, ariko buzanunganirwa n’ubundi buryo bw’ikoranabuhanga bwa ‘Mobicash’ ari na bwo buzihutisha cyane cyane mu gufasha umunyamuryango kubona ikarita yo kwivurizaho mu buryo bwihuse.”

JPEG - 202 kb
Dr. Gatera Jonathan, Umuyobozi Mukuru wa RSSB iburyo n’Umuyobozi wungirije, Dr. Solange Hakiba

Umuyobozi wa RSSB yongeyeho ko gukoresha uburyo bumwe cyangwa ubundi ari amahitamo y’abanyamuryango, kuko bwombi bwemewe ndetse bukaba bufite n’abatanga iyo serivise, haba muri Sacco no kuri Mobicash.

Ati “Kugeza ubu Mobicash ifite abakozi bagera kuri 700 mu gihugu hose bazwi ku izina ry’aba Agents kongeraho Sacco 348 dusanzwe dukorana.”

Uburyo bwo kwishyura imisanzu kuri Mobicash buzihutisha serivisi nk’uko bigarukwaho na Nyirishema Innocent, Umuyobozi ushinzwe gukusanya imisanzu muri RSSB, bukazanafasha ababukoresheje kubona ikarita byihuse, kuko uwishyuye bizajya bihita bigaragara agahita akorerwa ikarita akayibona vuba.

Ati “Mu gihe umunyamuryango yishyuye tuzahita tubibona mu butumwa bugufi, bityo natwe twihutire kongerera agaciro ikarita ye ayibone byihuse.”

Avuga ko iri koranabuhanga nta kindi risaba uretse indangamuntu gusa mu gihe cyo kwishyura.Yongeraho kandi ko ubu buryo bwa Mobicash buzongera umutekano w’amafaranga no kuba nta kurimanganya byakongera kubaho mu nyemezabwishyu, bukanorohereza ishoramari.

RSSB yatangiye gucunga imisanzu ya mituweli kuva muri Nyakanga 2015 bivuye muri Minisiteri y’Ubuzima yari isanzwe ifite izi nshingano, ikaba igenda yongera kandi yoroshya uburyo bwo gutanga imisanzu ku banyamuryango bayo.

Imibare itangwa na RSSB igaragaza ko mu mwaka wa 2016-2017 ubwitabire mu gutanga mituweli bugeze kuri 84.2% mu gihe umwaka washize warangiye ari 81.6%.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE