2017-11-20 09:42:09 clouds 27o High | Kigali Rwanda

Dukurikire:
 
 

AU izibanda ku bikorwa byihutirwa-Kagame

Yanditswe na IMVAHO NSHYA

Kuya 2017-04-24 15:21:50

 
Share on:
 
Yasuwe:222
 
Yavuzweho:200
 
10
 
10

Perezida Paul Kagame wahawe ishingano zo kuvugurura Umuryango w’Ubumwe bw’Afurika (AU), yatangaje ko uyu muryango uzibanda ku bikorwa byihutirwa. Izi nshingano Umukuru w’Igihugu yazihawe n’abakuru b’ibihugu by’Afurika.

Kuba AU izibanda ku bikorwa byihutirwa, Umukuru w’Igihugu yabitangarije mu ruzinduko rw’akazi muri Guinea Conakry mu nama ijyanye n’amavugurura y’uyu muryango wa AU.

Iyi nama yahuje Perezida Paul Kagame na Perezida Alpha Condé wa Guinea ubu uyoboye AU, Perezida Idris Déby Itno wa Tchad n’umuyobozi wa Komisiyo y’Afurika Yunze Ubumwe Moussa Faki, aho baganiriye ku mavugurura arimo gukorwa muri uwo muryango kugira ngo ubashe gutanga umusaruro.

Perezida Kagame yijeje ko AU izibanda ku bikorwa byihutirwa bizagera mu rwego rw’umugabane n’akarere. Mu bizakorwa harimo ku isonga kongerera ubushobozi imiryango yo mu karere no kwegera abaturage.

Perezida Kagame mu nama yiga ku ivugurura muri AU

Umukuru w’Igihugu Paul Kagame akomeza agira ati "Twe nk’abakuru b’ibihugu bahawe inshingano zo gukurikirana no gushyira mu bikorwa amavugurura y’Umuryango, twiteguye guha umuyobozi wa AU n’abo bafatanyije ibyo byose bikenewe kugira ngo bagere ku nshingano zabo zo kuvugurura umuryango, mu bizitabwaho harimo gushyigikira ibizakorwa no gukora ibishoboka mu kwishakamo ubushobozi mu buryo burambye. Twahindura amateka, mu nyungu z’abatuye umugabane, kandi dukeneye kwihutisha ibyemezo bifatwa, bimwe birebana no gutanga amafaranga no korohereza ibiva mu mahanga."

Mu nama ya 27 ya AU yabereye mu Rwanda muri Nyakanga 2016, abakuru b’ibihugu by’Afurika bihuriye muri AU basabye Perezida Kagame gushyiraho uburyo bwo kuvugurura uyu muryango, ukagera ku rwego rwo kwihaza.

Hashingiwe kuri raporo yagejeje ku nama ya 28 ya AU yabereye Addis Ababa muri Ethiopia muri Mutarama 2017, icyo gihe abakuru b’ibihugu bashimye akazi Umukuru w’Igihugu Paul Kagame yakoze, ibitekerezo yatanze biganirwaho ku buryo burambuye ndetse barabishyigikira, bamusaba ko yakurikirana ishyirwa mu bikorwa ry’impinduka zikenewe mu muryango.

Perezida Kagame yahawe izi nshingano ubwo Umuryango w’Afurika Yunze Ubumwe wari uyobowe na Perezida wa Chad Idris Deby, ariko muri Mutarama aza gusimburwa na Alpha Condé wa Guinea mu buryo abakuru b’ibihugu bagenda basimburanamo buri mwaka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE