2017-12-11 14:03:29 clouds 27o High | Kigali Rwanda

Dukurikire:
 
 

FPR bivuze guhuza, gushyira hamwe-Kagame

Yanditswe na IMVAHO NSHYA

Kuya 2017-04-24 09:55:00

 
Share on:
 
Yasuwe:149
 
Yavuzweho:200
 
10
 
10

Ubwo yari mu nama Nkuru ya 3 y’Urugaga rw’Abagore rushamikiye kuri FPR-Inkotanyi, Umukuru w’Igihugu Paul Kagame, akaba na Chairman w’Umuryango FPR-Inkotanyi, yavuze ko FPR bivuze guhuza, gushyira hamwe.

JPEG - 42.8 kb
Perezida Paul Kagame, yasobanuye ko mu Muryango FPR-Inkotanyi habaho gufatanya

Muri iyo nama yabaye ku wa Gatandatu tariki ya 22 Mata 2017, Perezida Paul Kagame yagarutse ku mateka y’Umuryango FPR-Inkotanyi, maze agira ati “FPR bivuze guhuza, gushyira hamwe, n’iyo abantu baba bafite ibindi bibatandukanya, dushyira imbere ibyubaka.”

Akaba yaribukije ko amateka y’Umuryango FPR-Inkotanyi ari uguhindura ubuzima bw’Abanyarwanda, ati “Amateka ya FPR ni ayo guhindura ubuzima bw’Abanyarwanda bose nta we usigaye inyuma, tukagendana n’igihe.”

Perezida Paul Kagame akaba yaravuze ku rugamba rwo kubohora u Rwanda, urugamba yari ayoboyemo ingabo zahoze ari iza FPR-Inkotanyi zaje no guhagarika Jenoside yakorewe Abatutsi mu 1994, maze avuga ko utabohora igihugu utarebye icyateye ibibazo byakiboshye. Ati “Kubohora igihugu no guhindura imibereho bijyana no guha bose ubutabera nta we uhejwe”.

Akaba yaravuze ko mbere y’urugamba rwo kubohora igihugu u Rwanda rwari inyuma muri rusange, ariko noneho Umunyarwandakazi yari yaraheze inyuma ku buryo bw’umwihariko.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE