2017-12-13 09:46:30 clouds 27o High | Kigali Rwanda

Dukurikire:
 
 

Leta ya Kiyisilamu iteganya kwiyunga na Al Qaeda

Yanditswe na IMVAHO NSHYA

Kuya 2017-04-18 11:37:59

 
Share on:
 
Yasuwe:877
 
Yavuzweho:200
 
10
 
10

Umutwe wa Leta ya Kiyisilamu, ISIS, watangiye ibiganiro byo kwiyunga na Al Qaeda nyuma y’uko ikomeje gutsindwa mu ntambara mu mijyi itandukanye irimo uwa Mosul muri Iraq.

Visi-Perezida wa Iraq, Ayad Allawi yavuze ko intumwa z’umuyobozi wa ISIS, Abu Bakr al Baghdadi n’iz’uwa Al Qaeda, Zawahiri, zamaze guhura kuri iyo ngingo, kugira ngo iyo mitwe y’intagondwa izabe yariyunze mu 2021.

Mu ntangiriro z’uku kwezi byari byavuzwe ko iyo mitwe yishize hamwe muri Libya. Daily Mail ivuga ko Visi Perezida wa Iraq yagize ati “ Hari ibiganiro hagati y’intumwa za Baghdadi n’iza Zawahiri barateganya kwishyira hamwe mu myaka ine iri imbere.”

Leta ya Kiyisilamu yiyomoye kuri al-Qaeda mu 2014 kuva ubwo bigenda bihanganira abarwanyi n’inkunga.

JPEG - 72.5 kb
Ayman al-Zawahiri niwe wasimbuye Bin Laden (uri ibumoso) ku buyobozi bwa al-Qaeda

Zawahiri yakunze kunenga Leta ya Kiyisilamu ubunyamaswa bwo kwica abantu baciwe imitwe, kubaroha no kubatwika kugeza bapfuye.

Ikinyamakuru Al Sharq al Awsat kivuga ko iyi mitwe iteganya kugira inama imwe y’ubuyobozi.

Kuva mu Kwakira, Leta ya Kiyisilamu yahuriweho n’abarwanyi b’aba Shia, bafatanyije n’ihuriro ry’ingabo mpuzamahanga zirimo n’iza Leta Zunze Ubumwe za Amerika, ivanwa mu mujyi wa Mosul n’inkengero zayo.

Kugeza ubu imirwano iracyakomeje, kuko ISIS isigaranye agace ko hakurya y’uruzi rwa Tigre ikaba ikomeje gukoresha abiyahuzi, ba mudahusha na drones kugira ngo itava muri ako gace.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE