2017-10-16 07:05:01 clouds 27o High | Kigali Rwanda

Dukurikire:
 
 

Nibabona ntarakoze neza, bazansezerere-Seninga

Yanditswe na IMVAHO NSHYA

Kuya 2017-04-17 07:56:14

 
Share on:
 
Yasuwe:376
 
Yavuzweho:200
 
10
 
10

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe.

Uyu mutoza yari yahawe amasezerano y’umwaka umwe tariki 17 Nyakanga 2016, washoboraga kongererwa bijyanye n’umusaruro nk’uko ubuyobozi bwa Police FC bwabisobanuye.

Mu mwaka yahawe, Seninga agejeje Police ku mwanya wa gatatu ku rutonde rwa shampiyona n’amanota 46 aho mu mikino 23 amaze gutsinda imikino 13, akanganya inshuro zirindwi atsindwa inshuro eshatu.

JPEG - 230.4 kb
Umutoza wa Police FC ufite icyizere ko azongererwa amasezerano (Foto Bugingo F)

Seninga yemera ko igikombe cya shampiyona cyamaze kumucika burundu, mu gihe akirushwa amanota 9 n’ikipe ya mbere ari yo Rayon Sports gusa ubu ashishikajwe n’igikombe cy’Amahoro.

Nyuma y’umukino Police FC yatsinzemo Pepiniere FC ibitego 4-1, Seninga yatangaje ko gutwara igikombe bigoye.

Ati “Ntabwo igikombe nagihebye burundu ariko urebye umwanya urimo birasa nk’aho 80% igikombe cyagiye”.

N’ubwo igikombe cyamucitse, Seninga yemera ko hari byinshi yagezeho ku buryo ashobora kubona amasezerano mashya.

Ati ’’Njye sinigeze nsinyira igikombe, ni njye n’abakinnyi twiyemeje ko twashaka igikombe mu gihe kitabonetse ntabwo ikipe yakabaye imveba kuko mu masezerano yanjye bitarimo’’.

Uyu mutoza wakinnye mu makipe atandukanye akaba umutoza mu Isonga FC, Kiyovu ndetse na Etincelles FC yakomeje atangaza ko yatangiye kuganira n’ubuyobozi ku bijyanye no kongera amasezerano.

Ati “Amasezerano, ubuyobozi bwatangiye kumvugisha. Nanjye amasezerano yanjye bari kureba niba nkora neza bazanyongera kandi atabonetse nta kundi imiryango irafunguye nanjya n’ahandi ngatoza’’.

Police FC ni ikipe ya 4, Seninga Innocent atoje mu cyiciro cya mbere mu Rwanda, nyuma y’ Isonga FC, Kiyovu na Etincelles FC yavuyemo ajya muri Police FC.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE