2017-09-24 09:25:05 clouds 27o High | Kigali Rwanda

Dukurikire:
 
 

Muhanga:Abahamwe n’icyaha cya Jenoside bireze banasabira imbabazi ibyaha bari barahishe

Yanditswe na IMVAHO NSHYA

Kuya 2017-04-12 10:57:46

 
Share on:
 
Yasuwe:343
 
Yavuzweho:200
 
10
 
10

Mu biganiro byateguwe muri iki gihe cyo kwibuka ku nshuro ya 23 Jenoside yakorewe Abatutsi, byahuje inzego z’umutekano n’iza Gereza ya Muhanga, bamwe mu bagororwa bahafungiye beruye bavuga ko hari bimwe mu byaha bikomeye bakoze muri Jenoside, nyamara bakaba batarabigaragarije inkiko Gacaca.

Kimwe n’ahandi hose mu gihugu, imfungwa n’abagororwa bo muri Gereza ya Muhanga barimo guhabwa ibiganiro bijyanye n’iminsi 100 yo kwibuka Jenoside yakorewe Abatutsi mu 1994.

Bamwe mu bagororwa bahawe ibihano bijyanye n’uruhare bagize muri Jenoside yakorewe Abatutsi bemeye, bakicuza bagasaba imbabazi, bavuga ko hari ibindi byaha batigeze bagaragaza ubwo baburanaga mu gihe cy’inkiko Gacaca, bavuga ko ibiganiro nk’ibi ari byo bitumye bongera kubohoka.

JPEG - 241.9 kb
Bagabo Philippe avuga ko hari ibyaha yakoze atagaragarije inkiko Gacaca (Foto Muhizi E)

Bagabo Philippe wo mu Murenge wa Karama, Akarere ka Kamonyi, avuga ko hari umututsi wari wihishe akamuvumbura ku buryo yahuruje igitero kikamwica, bamumushinja akanga kwemera, ariko yagaragaje ko uyu ari wo mwanya wo kongera kwirega, agasaba abanyarwanda imbabazi z’ibyo yakoze atigeze avuga icyo gihe.

Yagize ati “Ndongera gusaba imbabazi Abarokotse Jenoside yakorewe abatutsi, n’abanyarwanda muri rusange ko navumbuye umututsi wari wihishe bakamwica biturutse kuri njye, mburana sinigeze mvuga ko ari njye watumye yicwa ahubwo nakomeje guhakana.»

Bagabo yagaragaje kandi ko inyigisho yakuze ahabwa zamubwiraga ko Abatutsi ari babi bityo ko bagomba kubica kugira ngo babikize.

Ruzigana Emmanuel wahoze ari Burugumesitiri wa Komini Nyamabuye wahamwe n’icyaha cya Jenoside ndetse akaba anacyemera, avuga ko uruhare rwe muri Jenoside rumutera ipfunwe ku buryo no kubivuga bimunanira, kuko nta kiganiro na kimwe yigeze yumva mbere ya Jenoside gishishikariza Abaturage kugira ubumwe n’ubwiyunge.

Yagize ati “Mbere ya Jenoside nta kiganiro abanyapolitiki batangaga kijyanye n’ubumwe n’ubwiyunge, ahubwo ibyo batangaga byose wasangaga byuzuye ingengabitekerezo ya Jenoside.»

IP Kayihura Claver, ushinzwe guhuza inzego za Polisi n’abaturage (Community Policing) mu Karere ka Muhanga, atangaza ko abayobozi u Rwanda rufite kuri uyu munsi batagendera ku bwoko, ahubwo bashingira ku bitekerezo byiza umuntu uwo ari we wese afite byubaka igihugu.

Uyu muyobozi akavuga ko kwica umuntu waremwe n’Imana uba wishe amategeko ahana y’u Rwanda ndetse n’ay’Imana, ari yo mpamvu ashishikariza n’abandi bose batarirega ngo bemere icyaha, kwatura bakagaragaza ukuri.

Gereza ya Muhanga ifungiwemo imfungwa n’abagororwa 4.831, muri bo 1600 bakaba bafungiwe icyaha cya Jenoside.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE