2017-10-16 07:05:01 clouds 27o High | Kigali Rwanda

Dukurikire:
 
 

Jenoside yakorewe Abatutsi ni umusaruro wa politiki mbi- Mureshyankwano

Yanditswe na IMVAHO NSHYA

Kuya 2017-04-11 06:31:27

 
Share on:
 
Yasuwe:193
 
Yavuzweho:200
 
10
 
10

Guverineri w’Intara y’Amajyepfo Mureshyankwano Marie Rose avuga ko Jenoside yakorewe Abatutsi mu 1994 ari umusaruro wa Politiki mbi.

Ibyo Mureshyankwano yabivugiye mu muhango wo kwibuka Jenoside yakorewe Abatutsi ku rwego rw’Intara y’Amajyepfo wabereye mu murenge wa Kibirizi, akarere ka Gisagara, nyuma yo gushyira indabo ku mva zishyinguyemo imibiri y’abazize Jenoside.

Yihanganishije abarokotse Jenoside yakorewe Abatutsi n’Abanyarwanda muri rusange, akomeza agira ati “Jenoside yakorewe Abatutsi ni umusaruro wa politiki mbi. Uyu ni umwanya wo kwibuka Jenoside yakorewe Abatutsi n’abacu barokotse, wo kugaya abaduhekuye bakica inzirakarengane babahora uko baremwe no kwamagana abahakana n’abapfobya Jenoside yakorewe Abatutsi. Ndabasaba kurinda ibyiza twagezeho no kubishyigikira”.

JPEG - 91.3 kb
Guverineri w’intara y’Amajyepfo, Mureshyankwano Marie Rose

Yashishikarije abantu bose kwitabira ibiganiro byateganyijwe muri iki cyumweru mu midugudu yose, kuzitabira gushyingura imibiri yabonetse hamwe na hamwe n’iyimurwa aho itari ishyinguye neza, guhumuriza no kwegera abarokotse.

Mureshyankwano yanasabye imiryango ya Leta n’itegamiye kuri Leta n’abikorera kwibuka ababo bazize Jeonside yakorewe Abatutsi bayikoreraga.

Intumwa ya rubanda, Depite Mukandutiye Speciose yibukije uburyo ubuyobozi bubi bwabibye amacakubiri bugashora abanyarwanda muri Jenoside yakorewe abatutsi mu 1994.

Yamaganye ingengabitekerezo ya Jenoside, agira ati “Turarwanya ingengabitekerezo ya Jenoside kuko iracyahari. Sinifuza ko ibyo gutema inka z’abarokotse Jenoside byumvikanye hamwe na hamwe mu gihugu bigera ku Gisagara. Dushyigikire gahunda za Leta, dushyigikire ubumwe bw’abanyarwanda kandi tugane ku mpinduka ziduteza imbere. Twibuke twiyubaka, dushyigikire incike, abapfakatsi, impfubyi, twirinde amacakubiri n’icyadusubiza aho twavuye”.

Yasoje ashimira Nyakubahwa Perezida wa Repubulika n’ingabo za FPR zahagaritse Jenoside.

Perezida wa Ibuka ku rwego rw’Akarere, yagarutse ku buzima n’imibereho y’abarokotse Jenoside yakorewe Abatutsi.

Ati “Benshi ni inshike, abakecuru n’abasaza n’abafite ubumuga. N’ubwo bimeze bityo, ntibaheranwe n’agahinda, bagerageje kwiyubaka no kwiteza imbere, kandi bashyize hamwe n’abandi banyarwanda mu rugendo rw’ubumwe n’ubwiyunge no kwiteza imbere”.

Yasabye ko inzibutso zishaje zavugurwa , gahunda yo gufasha incike za Jenoside yakorewe Abatutsi, kurangiza imanza za gacaca no kurangiza kubakira abarokotse badafite amacumbi bagera kuri 342 byakwihutishwa.

Yashimye Leta y’Ubumwe uburyo badahwema kwita ku barokotse, by’umwihariko akarere ka Gisagara gakora ibishoboka byose kugira ngo abarokotse Jenoside bagire imibereho myiza.

Insanganyamatsiko y’uyu mwaka mu kwibuka Jenoside yakorewe Abatutsi iragira iti “Twibuke Jenoside yakorewe Abatutsi, turwanya ingengabitekerezo ya Jenoside, dushyigikira dushyigikira ibyiza twagezeho”.
Jenoside yakorewe Abatutsi ni umusaruro wa Politiki mbi- Mureshyankwano

MUGISHA BENIGNE

Guverineri w’Intara y’Amajyepfo Mureshyankwano Marie Rose avuga ko Jenoside yakorewe Abatutsi mu 1994 ari umusaruro wa Politiki mbi.

Ibyo Mureshyankwano yabivugiye mu muhango wo kwibuka Jenoside yakorewe Abatutsi ku rwego rw’Intara y’Amajyepfo wabereye mu murenge wa Kibirizi, akarere ka Gisagara, nyuma yo gushyira indabo ku mva zishyinguyemo imibiri y’abazize Jenoside.

Yihanganishije abarokotse Jenoside yakorewe Abatutsi n’Abanyarwanda muri rusange, akomeza agira ati “Jenoside yakorewe Abatutsi ni umusaruro wa politiki mbi. Uyu ni umwanya wo kwibuka Jenoside yakorewe Abatutsi n’abacu barokotse, wo kugaya abaduhekuye bakica inzirakarengane babahora uko baremwe no kwamagana abahakana n’abapfobya Jenoside yakorewe Abatutsi. Ndabasaba kurinda ibyiza twagezeho no kubishyigikira”.

Yashishikarije abantu bose kwitabira ibiganiro byateganyijwe muri iki cyumweru mu midugudu yose, kuzitabira gushyingura imibiri yabonetse hamwe na hamwe n’iyimurwa aho itari ishyinguye neza, guhumuriza no kwegera abarokotse.

Mureshyankwano yanasabye imiryango ya Leta n’itegamiye kuri Leta n’abikorera kwibuka ababo bazize Jeonside yakorewe Abatutsi bayikoreraga.

Intumwa ya rubanda, Depite Mukandutiye Speciose yibukije uburyo ubuyobozi bubi bwabibye amacakubiri bugashora abanyarwanda muri Jenoside yakorewe abatutsi mu 1994.

Yamaganye ingengabitekerezo ya Jenoside, agira ati “Turarwanya ingengabitekerezo ya Jenoside kuko iracyahari. Sinifuza ko ibyo gutema inka z’abarokotse Jenoside byumvikanye hamwe na hamwe mu gihugu bigera ku Gisagara. Dushyigikire gahunda za Leta, dushyigikire ubumwe bw’abanyarwanda kandi tugane ku mpinduka ziduteza imbere. Twibuke twiyubaka, dushyigikire incike, abapfakatsi, impfubyi, twirinde amacakubiri n’icyadusubiza aho twavuye”.

Yasoje ashimira Nyakubahwa Perezida wa Repubulika n’ingabo za FPR zahagaritse Jenoside.

Perezida wa Ibuka ku rwego rw’Akarere, yagarutse ku buzima n’imibereho y’abarokotse Jenoside yakorewe Abatutsi.

Ati “Benshi ni inshike, abakecuru n’abasaza n’abafite ubumuga. N’ubwo bimeze bityo, ntibaheranwe n’agahinda, bagerageje kwiyubaka no kwiteza imbere, kandi bashyize hamwe n’abandi banyarwanda mu rugendo rw’ubumwe n’ubwiyunge no kwiteza imbere”.

Yasabye ko inzibutso zishaje zavugurwa , gahunda yo gufasha incike za Jenoside yakorewe Abatutsi, kurangiza imanza za gacaca no kurangiza kubakira abarokotse badafite amacumbi bagera kuri 342 byakwihutishwa.

Yashimye Leta y’Ubumwe uburyo badahwema kwita ku barokotse, by’umwihariko akarere ka Gisagara gakora ibishoboka byose kugira ngo abarokotse Jenoside bagire imibereho myiza.

Insanganyamatsiko y’uyu mwaka mu kwibuka Jenoside yakorewe Abatutsi iragira iti “Twibuke Jenoside yakorewe Abatutsi, turwanya ingengabitekerezo ya Jenoside, dushyigikira dushyigikira ibyiza twagezeho”.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE