2017-11-23 07:40:03 clouds 27o High | Kigali Rwanda

Dukurikire:
 
 

Rusizi:Umukobwa w’imyaka 23 yasanzwe mu nzu yiyahuye

Yanditswe na IMVAHO NSHYA

Kuya 2017-04-10 05:49:09

 
Share on:
 
Yasuwe:1969
 
Yavuzweho:200
 
10
 
10

Uwitonze Esther w’imyaka 23 wari usanzwe abana n’iwabo mu mudugudu wa Gasumo, akagari ka Rwambogo mu murenge wa Butare, mu karere ka Rusizi, bamusanze mu ma saa yine z’igitondo cyo ku cyumweru yiyahuje umwenda we, mu murenge wa Nyakabuye, aho yari amaze iminsi 2 gusa acumbitse.

Amakuru Imvaho Nshya ikesha umunyamabanga nshingwabikorwa w’umurenge wa Nyakabuye, Ngirabatware James, aravuga ko uyu mukobwa yageze mu kagari ka Kamanu, mu gasantere k’ubucuruzi kitwa cité muri uyu murenge kuwa kane ushize aje avuga ko ashaka inzu acumbikamo, azajya akodesha aranayibona, Umuyobozi w’uyu mudugudu amwandika mu gitabo cy’abinjira n’abasohoka muri uyu mudugudu, baramureka aracumbika.

JPEG - 230.1 kb
Ibitaro bya Mibilizi ni byo byakoreye isuzuma umurambo mbere y’uko ushyingurwa

Ngo yagiye mu nzu isanzwe ikorerwamo amatelefoni ariko uyikoreramo ataha hafi yayo.Uyu uyikoreramo, mu ma saa mbiri z’igitondo kuri iki cyumweru ayikinguye ngo arebe amatelefoni abe akora, asanga n’indi miryango irafunguye ndetse n’uw’icyumba uyu mukobwa araramo ufunguye, ntiyamubona kandi kuva yahagera yari asanzwe amubona, ni ko gusunika urugi rwa cya cyumba arebye asanga undi yimanitse mu mwenda yapfuye.

Ngo yahise ahamagaza abaturage n’ubuyobozi, umurambo uhita ujyanwa mu bitaro bya Mibilizi gukorerwa isuzuma mbere y’uko ushyingurwa kuko umuryango we wahise ubimenyeshwa ukaza kuwureba.

Mu butumwa bwahawe abaturage nyuma y’uru rupfu, hashimiwe umukuru w’umudugudu wa cite wabanje kwandika uyu mukobwa bikaba byoroheye kumenya neza imyirondoro ye.

Gitifu Ngirabatware yabwiye Imvaho Nshya ati “Twashimiye cyane umukuru w’umudugudu wa cité wubahirije amabwiriza yo kumenya no kwandika abantu bashyashya binjiye mu mudugudu kuko iyo atabikora umwirondoro w’uyu mukobwa utari kumenyekana bikaba ibibazo kumenya bene we, ariko byatworoheye ni yo mpamvu dusaba abayobozi b’utugari n’imidugudu kujya bamenya bakanafata imyirondoro yuzuye y’abantu bashya babonye mu midugudu yabo.”

Banasabwe gutanga amakuru ku gihe ku kintu cyose babona gishobora guhungabanya umutekano wabo, abafite amazu akodeshwa basabwa kwirinda kubona abantu bagenda bonyine bakabaha amazu ngo bakodeshe batazi n’ibibagenza, uzabirengaho akazirengera ingaruka zabyo.

Ibi ngo ntibyari bisanzwe muri uyu murenge, abaturage bakaba bakomeje kwibaza icyateye umwana w’umukobwa ungana kuriya gutekereza kwiyambura ubuzima, bagasaba ko ibiganiro mu miryango byaba byinshi kugira ngo n’ibi byose bijye bimenyekana.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE