2017-10-16 07:05:01 clouds 27o High | Kigali Rwanda

Dukurikire:
 
 

Abafite umutima wo gufasha abarokotse ku bushake ntibabujijwe – Guverineri Kazaire

Yanditswe na IMVAHO NSHYA

Kuya 2017-04-10 04:55:20

 
Share on:
 
Yasuwe:276
 
Yavuzweho:200
 
10
 
10

Guverineri w’Intara y’u Burasirazuba Kazaire Judith avuga ko gahunda y’agaseke kakusanyirizwagamo inkunga yo gufasha abarokotse Jenoside batishoboye yavanyweho, ariko bitabujije ko abantu bafite umutima wo gufasha ku bushake babikora.

Mu gihe cyashize, mu biganiro byo kwibuka Jenoside yakorewe abatutsi bitangirwa mu midugudu, habagaho gukusanya inkunga yo gushyigikira abarokotse Jenoside yakorewe abatutsi mu 1994, batishoboye, igashyirwa mu gaseke.

Ni inkunga yatangwaga ahenshi mu buryo bw’amafaranga, hashingiwe ku bushobozi bw’umuturage.

Guverineri w’Intara y’u Burasirazuba Kazaire Judith asobanura ko muri iki gihe cyo kwibuka Jenoside yakorewe abatutsi ku nshuro ya 23, Agaseke kakuweho n’impamvu zabiteye.

Agira ati “Agaseke ka kandi ubuyobozi bwafataga bakagenda basaba abaturage kugira amafaranga batanga, ntabwo kemewe ku mpamvu 2: Byashishojweho ku rwego rw’igihugu basanga hari aho ayo mafaranga abantu bamwe bayatangaga binuba, hakaba n’abinubaga bavuga ko batazi uko ayo mafaranga akoreshwa.”
Guverineri Kazaire avuga ko agaseke kakuweho, ariko bidakuyeho ko abantu bafite ubushake n’umutima wo gufasha abarokotse Jenoside yakorewe abatutsi batishoboye, ku bushake bwabo babafasha."

JPEG - 241.3 kb
Guverineri w’Intara y’Uburasirazuba Kazayire Judith (Foto archive)

Agira ati “Iyo ni yo mpamvu kavuyeho, ariko ntibukuyeho ko mu gihe abantu ubwabo bumva bafite umutima wo gufasha abarokotse Jenoside batishoboye, kubaremera; abafite umurava wo kugira icyo bakunganira bagenzi babo cyangwa umusanzu batanga kugira ngo ibikorwa byo kwibuka bigende neza, ntabwo bibujijwe.”

Ikindi ubuyobozi bw’Intara y’u Burasirazuba buvuga ni uko gukuraho umusanzu abaturage basabwaga gutanga mu gihe cyo kwibuka, ari no kugira ngo abantu bahindure imyumvire, bakore ibyo bitekerereje, batabayeho kubikangurirwa n’ubuyobozi .

Kandi no muri gahunda yo kwibuka, ngo usanga buri rwego rwarateganyije uburyo bwo kwibuka.

Kwibuka Jenoside yakorewe Abatutsi ku nshuro ya 23, byahawe insanganyamatsiko, igira iti “Twibuke Jenoside yakorewe abatutsi, turwanya ingengabitekerezo ya Jenoside, dushyigikira ibyiza twagezeho.”

Kwibuka Jenoside yakorewe abatutsi mu 1994, bimara igihe cy’iminsi 100, kingana n’igihe Jenoside yakorewe abatutsi yamaze, igahagarikwa imaze guhitana ubuzima bw’inzirakarengane z’abatutsi basaga miliyoni.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE