2017-10-17 06:58:11 clouds 27o High | Kigali Rwanda

Dukurikire:
 
 

Kwibuka 23: Hazashimwa Abagande bitanze mu gushyingura abaroshywe muri Nyabarongo

Yanditswe na IMVAHO NSHYA

Kuya 2017-04-06 14:29:26

 
Share on:
 
Yasuwe:589
 
Yavuzweho:200
 
10
 
10

Mu Kwibuka ku nshuro ya 23 Jenoside yakorewe Abatutsi mu 1994, u Rwanda ruzashimira bamwe mu bagiraneza b’abanyamahanga bagize uruhare mu gutanga ubutaka no gushyingura imibiri y’abayizize baroshywe mu ruzi rwa Nyabarongo.

Umuyobozi w’urwibutso rwa Jenoside rwa Kigali ruri ku Gisozi mu karere ka Gasabo, Gatera Honore, mu kiganiro n’abanyamakuru yavuze ko abazashimwa ari abahishe abantu mu gihe cya Jenoside n’abanyamahanga bagiye bigomwa isambu ndetse bakanashyingura abishwe baroshywe mu ruzi rwa Nyabarongo bagahingukira mu kiyaga cya Victoria muri Uganda.

Harimo Umunya-Uganda ukomoka mu Buhinde Mahmood Thobani, ukora uburobyi muri Victoria, umaze gushyingura imibiri ibarirwa mu bihumbi mu myaka ishize ku bufatanye na Leta y’u Rwanda. Yagiye yubaka inzubutso ahitwa Kasensero mu karere ka Rakai muri icyo gihugu.

JPEG - 230 kb
Mahmood (wunamye ibumoso) ashyira indabo kuri rumwe mu nzibutso zubatse mu karere ka Mpigi muri 2015

Ni mu gihe indi mibiri 800 yari ishyinguye hirya no hino yayimuriye mu rwibutso rumeze neza rwubatse mu duce rwa Masaka na Ggolo mu karere ka Mpigi.

Inzibutso za Jenoside ebyiri zashyizwe ku rwego rw’igihugu

Inama y’Abaminisitiri yateraniye I Kigaliku wa 5 Mata 2017, iyobowe na perezida Kagame, yamenyeshejwe ko urwibutso rwa Jenoside rwa Nyange n’urwa Rebero zazamuwe zikava ku rwego rw’Akarere zigashyirwa ku rwego rw’igihugu.

Minisitiri w’Umuco na Siporo, Uwera Julienne, yamenyesheje Inama y’Abaminisitiri ko Kwibuka ku nshuro ya 23 Jenoside yakorewe Abatutsi mu Rwanda mu 1994 bizatangira ejo ku ya 7 Mata 2017.

Ibikorwa byo kwibuka bizamara iminsi 100 hacanwe urumuri rw’ikizere. Insanganyamatsiko y’uyu mwaka iragira iti “Twibuke Jenoside yakorewe Abatutsi, turwanya ingengabitekerezo ya Jenoside, dushyigikira ibyiza twagezeho”.

Inama y’Abaminisitiri yibukije ko ibikorwa byo kwibuka bigomba gukorwa, ariko ntibihagarike ibintu byose.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE