2017-10-18 07:01:40 clouds 27o High | Kigali Rwanda

Dukurikire:
 
 

Leta y’u Rwanda ntiyemeranya n’abavuga ko imbabazi Kiliziya Gatolika yasabye zituzuye

Yanditswe na IMVAHO NSHYA

Kuya 2017-04-04 10:22:45

 
Share on:
 
Yasuwe:402
 
Yavuzweho:200
 
10
 
10

Minisitiri w’Ububanyi n’Amahanga , akaba n’Umugizi wa Leta , Louise Mushikiwabo, yasobanuye ko u Rwanda rwanyuzwe n’imbabazi Papa Francis yasabye ku ruhare rwa Kiliziya Gatolika muri Jenoside yakorewe Abatutsi mu 1994.

Mu kiganiro n’itangazamakuru kuri uyu wa 4 Mata 2017, Mushikiwabo yagarutse ku byaranze umubano w’u Rwanda n’amahanga mu ntangiriro z’uyu mwaka.

By’umwihariko yavuze ku ruzinduko Perezida Kagame yagiriye i Vatikani asobanura ko rwashimangiye umubano w’impande zombi cyane ko ari bwo bwa mbere Kiliziya yemeye kumugaragaro uruhare rwayo muri Jenoside.

Yagize ati “ Nyuma y’ibiganiro hagati ya Perezida Kagame na Papa Francis ni ubwa mbere Kiliziya yemeye uruhare yagize muri Jenoside. Igihugu cyacu cyishimiye iyi ntambwe ikomeye yongeye gushimangira umubano w’u Rwanda na Vatikani.”

JPEG - 60.3 kb
Minisitiri Mushikiwabo mu kiganiro n’itangazamakuru

Minisitiri Mushikiwabo yavuze ko nubwo amateka ya Kiliziya Gatolika mu Rwanda ari maremare kandi akaba arimo byinshi, ngo Leta y’u Rwanda ntiyemeranya n’abavuze ko imbabazi Papa Francis yasabye zituzuye.

Ati “Hari abavuze ko imbabazi Papa yasabye zituzuye. Ntabwo aribyo. Twe twabifashe nk’intabwe ikomeye mu mibanire yacu na Vatican. Kuba Kiliziya noneho yareruye ikemera ko “itakoze ibyo yagombaga gukora” tubifata nk’itambwe ikomeye mu mibanire yacu.”

JPEG - 66.1 kb
Abanyamakuru batandukanye bari bateze amatwi Min. Mushikiwabo

Ku wa 20 Werurwe 2017 nibwo Papa Francis yakiriye Perezida Kagame ibiganiro byabo bigaruka no ruhare rwa Kiliziya Gatolika mu mateka mabi yaranze u Rwanda agasozwa na Jenoside yakorewe Abatutsi mu 1994.

Bavuze ku kuba inzego za Kiliziya, mbere yo muri 1994 zarafashije abakoloni mu gucamo ibice Abanyarwanda bigatuma havuka ingengabitekerezo ya Jenoside. Kuri ubu nabwo ingengabitekerezo ya Jenoside ikomeje kuranga bamwe mu bagize Kiliziya ndetse hari bamwe mu bakoze Jenoside Kiliziya ikingira ikibaba, ntibagezwe imbere y’ubutabera.

Papa Francis yasabiye Impuhwe z’Imana abakirisitu n’abihaye Imana bakoze Jenoside avuga ko Kiliziya izakora ibishoboka kugira ngo isura yayo yangijwe n’ibyo bakoze yongere ihabwe agaciro.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE