2017-12-11 14:03:29 clouds 27o High | Kigali Rwanda

Dukurikire:
 
 

Amafoto: USA na S. Korea mu myitozo yo kwereka ubuhangange Koreya ya Ruguru

Yanditswe na IMVAHO NSHYA

Kuya 2017-04-04 08:47:47

 
Share on:
 
Yasuwe:2531
 
Yavuzweho:200
 
10
 
10

Leta Zunze Ubumwe za Amerika yasohoye amafoto yerekana imyitozo ngarukamwaka y’ingabo zayo na Koreya y’Epfo.

Ni imyitozo yitwa “Foal Eagle” iri gukorerwa ku ku nkombe z’inyanja mu gace ka Pohang muri Koreya y’Epfo, mu bisasu biri gutera imyotsi kugira ngo bikingirize abasirikare bari kuva mu bwato, ubundi bakazamuka ku mucanga bakambakamba n’imbunda zabo.

Ibaye mu gihe havugwa umwuka umubi hagati ya Koreya ya Ruguru ahanini biturutse kuri icyo gihugu kiri kugerageza ibisasu bya kirimbuzi.

Mu kwezi gushize, Perezida Kim Jong Un yasuye ingabo ze azisaba kwitwararika kuko abanzi babo, USA na Koreya ya Ruguru bari gukora iyo bwabaga ngo babatere.

Yanategetse ko ingabo ze zishyiraho ingamba zo gutera nta mbabazi mu gihe umwanzi ateye atunguye akoresheje indege.

Muri iki Cyumweru, Perezida wa USA, Donald Trump nawe yavuze ko igihugu cye cyiteguye kurwana na Koreya ya Ruguru, kabone nubwo u Bushinwa ntacyo bwamufasha.

USA na Koreya y’Epfo byemeranyije gukoresha intwaro yo kwirinda ibisasu bya misile, THAAD, mu gihe iya Ruguru yaba ibikoresheje.

Imyitozo ya Foal Eagle mu mwaka ushize yitabiriwe n’ingabo 300 000 za Koreya y’Epfo na 17 000 za USA, harimo kandi n’amato y’intambara n’indege z’igisirikare cya USA.

Iy’uyu mwaka izaba muri uku kwezi kwa Mata kose.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE