2017-10-17 06:58:11 clouds 27o High | Kigali Rwanda

Dukurikire:
 
 

Rutsiro:Urubyiruko rurakangurirwa kuzitabira gahunda zateguwe mu gihe cyo Kwibuka

Yanditswe na IMVAHO NSHYA

Kuya 2017-04-04 07:26:20

 
Share on:
 
Yasuwe:198
 
Yavuzweho:200
 
10
 
10

Umuyobozi w’akarere ka Rutsiro Ayinkamiye Emerence, asaba urubyiruko kuzitabira gahunda zo kwibuka ku nshuro ya 23 Jenoside yakorewe abatutsi, ngo kuko birufasha gukumira icyatuma yongera kubaho.

Meya Ayinkamiye avuga ko mu mwaka ushize n’ubundi urubyiruko rwagerageje kwitabira, ariko ku buryo budahagije, bigasaba ko nk’abantu bazaragwa igihugu bakwitabira kurushaho.

Uyu muyobozi ahamya ko ibiganiro n’izindi gahunda zikorwa mu gihe cyo kwibuka Jenoside bifasha abantu gufata ingamba zo kwirinda ko Jenoside yazongera kubaho ukundi.

Yagize ati “Kwitegura icyunamo byaratangiye, buri nshuro iba ifite umwihariko, urubyiruko rurasabwa kubona icyunamo nk’aho ari amateka yacu tugomba kubamo, hari urubyiruko ruba rwumva ko bitabareba, urubyiruko rwirengagije ayo mateka byazatuma mu minsi izaza n’ubundi ibyateje Jenoside byongera bikagaruka”.

Asaba ko urubyiruko nk’imbaraga z’igihugu bagomba kubigira ibyabo kugira ngo bakumire Jenoside itazongera kuba mu Rwanda.

Hategekimana Jean Pierre, umwe mu rubyiruko rw’abamotari bakorera mu karere Rutsiro, avuga ko mu gihe cy’icyunamo bamwe banga kujya mu biganiro bakigira kuryama, ibintu anenga cyane akabifata nko kudaha agaciro gahunda za Leta.

Yagize ati “Mu gihe cy’icyunamo iyo umwanya w’ibiganiro ugeze mbona bamwe bigira kuryama, ibintu njye mbona nko gupfobya Jenoside, ni amateka yacu yarabaye tugomba kuyemera, keretse wenda umuntu ugira ihungabana niwe wajya kuryama, ubundi abandi bose bakajya mu biganiro kugira ngo batange umusanzu wabo mu kubaka u Rwanda ruzira Jenoside n’amacakubiri.”

Akomeza anenga kandi abajya mu zindi gahunda zinyuranyije mu gihe cy’ibiganiro nko kujya mu kabari bakifungirana, agasaba ko bajya bajya mu biganiro hamwe n’abandi dore ko aba ari umwanya muto.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE