2017-10-17 06:58:11 clouds 27o High | Kigali Rwanda

Dukurikire:
 
 

Intumwa ya FIFA yaje kureba aho kubaka Hotel ya FERWAFA bigeze

Yanditswe na IMVAHO NSHYA

Kuya 2017-03-30 07:32:00

 
Share on:
 
Yasuwe:678
 
Yavuzweho:200
 
10
 
10

Intumwa y’Ishyirahamwe ry’umupira w’amaguru ku Isi “FIFA”, Daniel Krebs, ushinzwe ibijyanye n’ibikoresho na gahunda y’ibikorwa bibyara inyungu yagiriye uruzinduko mu Rwanda.

Ishyirahamwe ry’umupira w’amaguru mu Rwanda “FERWAFA”, rivuga ko mu ruzinduko rw’iminsi 3 uyu mugabo yagiriye mu Rwanda yagiranye ibiganiro n’ubuyobozi bwa FERWAFA ku bijyanye na Hoteli y’inyenyeri 4 iri kubakwa ku nkunga ya FIFA.

Daniel Krebs yanasuye aho iyi Hoteli iri kubakwa kugira ngo arebe aho imirimo igeze. Aha akaba yaragiranye ibiganiro na sosiyete y’Abashinwa CCECC Rwanda Ltd yahawe imirimo yo kubaka iyi Hoteli ndetse na Century Real Estate nk’imwe mu masosiyete amenyerewe mu bijyanye no gucunga za Hoteli. Daniel Krebs kandi yanagiranye ibiganiro n’ubuyobozi bwa Minisiteri y’umuco na Siporo “MINISPOC .

JPEG - 312.2 kb
Daniel Krebs (ibumoso) ubwo yasuraga ahari kubakwa Hoteli ya FERWAFA ngo arebe aho imirimo igeze (Foto FERWAFA)

FIFA yemeye gutanga 65% y’amafaranga asaga miliyari 3 na miliyoni 850 z’amafaranga y’u Rwanda azagenda mu kubaka iyi hoteli naho andi mafaranga akaba agomba gufatwa muri Banki nk’inguzanyo.

Iyi Hoteli niyuzura byitezwe ko izafasha MINISPOC kugabanya amafaranga yagendaga ku ikipe y’igihugu mu mwiherero ndetse n’ayagendaga ku makipe yaje gukina mu Rwanda ari bucumbikirwe.

Uretse gucumbikira amakipe, iyi Hoteli izanakoreshwa mu buryo bwo gushaka amafaranga azajya afasha mu bikorwa byo guteza imbere umupira w’amaguru mu Rwanda.

Hoteli ya FERWAFA izuzura mu mezi 18 izaba ifite ibyumba 44 birimo 40 bisanzwe n’ibindi 4 by’abantu batabasha kurira ingazi, izaba kandi ifite ubushobozi bwo kwakira amakipe abiri y’ibihugu cyangwa se amakipe 3 (Clubs).

Uretse Daniel Krebs, taliki ya 25 Werurwe 2017, Perezida wa FIFA yasuye u Rwanda ndetse anatangiza ku mugaragaro imirimo yo kubaka iyi Hoteli, anizeza ko azakomeza gufasha u Rwanda mu mishinga yo guteza imbere umupira w’amaguru.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE