2017-10-17 06:58:11 clouds 27o High | Kigali Rwanda

Dukurikire:
 
 

Inteko rusange ya FERWAFA yitezweho gutangiza amarushanwa y’ingimbi

Yanditswe na IMVAHO NSHYA

Kuya 2017-03-25 08:38:12

 
Share on:
 
Yasuwe:139
 
Yavuzweho:200
 
10
 
10

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa y’ingimbi agomba kuva mu mpapuro akajya mu bikorwa.

Iyi nteko rusange iraterana kuri uyu wa Gatandatu taliki 25 Werurwe 2017 kuri Belvedere Hoteli i Rubavu yitabirwe n’abanyamuryango bose.

Umuvugizi wa FERWAFA, Ruboneza Prosper yabwiye Imvaho Nshya ko iyi nteko rusange ibanza gusuzuma ibyaganiriweho n’ihuriro ry’abafite uruhare mu iterambere ry’umupira w’amaguru (Abanyamakuru, abayobozi n’abatoza b’amakipe) yatangiye ku wa Kane taliki 23 Werurwe 2017 i Rubavu ikaba yaraye isojwe.

Ruboneza ati ’’Abari mu Itorero ni bo bemeje ko habaho forumu, iziga ku bibazo byavugiwe mu Itorero bireba umupira w’amaguru”.

JPEG - 92.1 kb
Ruboneza Prosper Umuvugizi wa FERWAFA

Kimwe mu bibazo byagarutswe mu mwiherero ndetse kimaze iminsi muri Komite nyobozi ya FERWAFA kigomba kwemezwa muri iyi nteko rusange n’icy’itangira ry’amarushanwa y’amakipe y’ingimbi agomba kuzajya akina bijyanye n’uko yegeranye nk’uko byemejwe na Nzamwita Vincent De Gaule, umuyobozi wa FERWAFA.

Ni nyuma y’uko komisiyo yari yashyizweho kugira ngo yige uburyo aya makipe yakinamo yamaze kugeza muri FERWAFA gahunda y’imigendekere yayo hakaba hasigaye ko yemezwa n’inteko rusange.

Nk’uko binari mu mategeko ya FERWAFA, inteko rusange isanzwe inareba kandi raporo y’ibikorwa n’imikoreshereze y’umutungo ya buri mwaka urangiye.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE