2017-10-18 07:01:40 clouds 27o High | Kigali Rwanda

Dukurikire:
 
 

Muhitira ‘Magare’ yabonye ikipe nshya mu Butaliyani

Yanditswe na IMVAHO NSHYA

Kuya 2017-03-24 07:14:46

 
Share on:
 
Yasuwe:355
 
Yavuzweho:200
 
10
 
10

Muhitira Felicien bakunze kwita “Magare”, umunyarwanda ukina umukino wo gusiganwa ku maguru nk’uwabigize umwuga mu gihugu cy’u Butaliyani yamaze kubona ikipe nshya agiye gusinyira amasezerano y’umwaka umwe.

Magare yari asanzwe akinira ikipe ya Potenza aho yari yayisinyiye amasezerano y’umwaka, arangirana n’ukwezi kwa Werurwe 2017.

Nyuma yo gusoza amasezerano ye, umujyanama we (Manager) yahisemo kumushakira indi kipe yajyamo yisumbuyeho ndetse amutegeka kuzaza gusinya amasezerano bitarenze taliki 15 Mata 2017 ubwo azaba asubiye mu Butaliyani akaba ari na bwo azamenya izina ryayo.

JPEG - 321.9 kb
Muhitira Felicien ugiye gusubira mu Butaliyani akazahita ajya mu ikipe nshya

Mu kiganiro n’Imvaho Nshya, Magare yahishuye ko aya makipe basinyamo ari abafasha kubona uko bitabira amarushanwa ibindi bakimenya hamwe n’ababashakira ubuzima (Manager).

Ati ’’Hariya ntabwo amakipe ahemba abakinnyi. Icyangombwa ni uko iyo utsinze irushanwa ayo utwaye uyashyira ku mufuka wawe gusa biba bisaba ko ugira ikipe ubarizwamo kugira ngo ubone uko witabira amarushanwa. Naho ubundi ikipe ntabwo ari henshi muhurira n’ikipe kuko uyikinira inshuro nke zishoboka. Uba urwana no kwishyura Manager ari nawe mubana mu buzima bwa buri munsi’’.

Uyu mukinnyi avuga ko mu marushanwa bahabwa amafarangava kuva ku mayero 1000 ni ukuvuga ibihumbi 700 by’amafaranga y’u Rwanda ku mukino. Magare yavuze ko iyi kipe agiyemo izamufasha kuzamura urwego rwe ku buryo azajya yitabira amarushanwa akomeye.

Ati ’’Mu Butaliyani ni ahantu tuba ho kurushanwa, si ahantu ho kwitoreza. Icyo nshyize imbere ni ukuzajya mu irushanwa rizaba taliki 28 Mata 2017 mu irushanwa ryo gufungura ikibuga. Njye nzajyayo ndwana no kubona itike yo kujya i Londres muri shampiyona y’isi mu mpera z’umwaka’’.

Magare avuga ko agomba kuzamara amezi abiri mu Butaliyani akabona kugaruka mu Rwanda aje mu kiruhuko no mu myitozo akazajya asubirayo hari irushanwa atumiwemo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE