2017-12-13 09:46:30 clouds 27o High | Kigali Rwanda

Dukurikire:
 
 

Gakenke-Muyongwe: Kubona ‘rezo’ ya telefone biracyari ingorabahizi

Yanditswe na IMVAHO NSHYA

Kuya 2017-03-23 07:29:40

 
Share on:
 
Yasuwe:768
 
Yavuzweho:200
 
10
 
10

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura iki kibazo.

Ni ikibazo ubuyobozi bw’akarere ka Gakenke butangaza ko burimo gushakira umuti, kuko bwatangiye gushishikariza amasosiyete y’itumanaho ngo ahubake iminara.

Muyongwe ni umwe mu mirenge 19 igize akarere ka Gakenke, ukaba uherereye mu misozi miremire.

N’ubwo uyu murenge ugifite ibindi bibazo bijyanye n’ibikorwaremezo nk’amazi n’amashanyarazi, kuri ubu abawutuye n’abawugana bavuga ko icya mbere bakeneye ari ihuzanzira rya telefone kugira ngo babashe gushyikirana n’abandi bakoresheje telefoni.

JPEG - 267 kb
Hari abagomba kurira ibiti ngo babashe kubona rezo ya telefone (Foto archive)

Mutimukeye Alice, umuturage wo muri uyu murenge wa Muyongwe yagize ati “Iyo ndebye itumanaho muri Muyongwe kuri telefone ngendanwa, usanga twarasigaye inyuma cyane, reba nawe kuba muri uru Rwanda umuntu akijya kwitaba telefone agakora urugendo rw’iminota 30, nk’ubu iyo ngiye kuvugana n’umuntu uri mu Gakenke santere, Musanze se, bisaba ko duhana gahunda yo guhamagarana.

Iyo ndi mu rugo bizwi ko mpamagara bagenzi banjye bose saa cyenda z’amanywa ari uko maze kujya ku misozi isumba indi.Abasore n’abandi bafite ingufu bo hari igitusi kiri k’umusozi wa Muyongwe usanga babyiganiramo kugira ngo babashe guhamagara.

Ndasaba ubuyobozi kudufasha tukabona ba rwiyemezamirimo bagashora imari hano tukabona iminara y’itumanaho rya telefone ndetse na televiziyo”.

Umuyobozi w’akarere ka Gakenke Nzamwita Deogratias yagize ati “Ni byo koko kuri ubu uriya murenge uri muri imwe yo muri Gakenke itagira rezo ihagije kuri telefone, ariko ubu turimo turashishikariza amasosiyete y’itumanaho kugira ngo ashore imari yubake iminara y’itumanaho.

Ni ibintu rero turi kuganiraho na kompanyi zitandukanye, ndizera ko mu minsi iri imbere abo muri Muyongwe kimwe n’abandi bo muri Gakenke ikibazo cy’itumanaho rya telefone kizaba cyakemutse”.

Ikindi abaturage bo mu murenge wa Muyongwe bagaragaza nk’inzitizi ku iterambere ni ikwirakwizwa ry’amashanyarazi ritihuta, kimwe no kutagira ibagiro rya kijyambere kuko irihari usanga ribagirwamo inka n’amatungo nk’ihene n’ingurube kandi nta suku ku buryo hakwiye kugira igikorwa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE