2017-10-17 06:58:11 clouds 27o High | Kigali Rwanda

Dukurikire:
 
 

Perezida wa Banki y’Isi ari mu ruzinduko mu Rwanda

Yanditswe na IMVAHO NSHYA

Kuya 2017-03-21 12:38:51

 
Share on:
 
Yasuwe:362
 
Yavuzweho:200
 
10
 
10

Perezida wa Banki y’Isi, Dr. Jim Yong Kim ari mu ruzinduko rw’iminsi ibiri mu Rwanda kuva kuri uyu wa 21 Werurwe 2017.

Uyu muyobozi yasuye ibikorwa by’umushinga w’indege zitagira uzitwara (drones) wa sosiyete Zipline, ukorera mu karere ka Muhanga, aho Minisitiri w’Ubuzima, Diane Gashumba, yamusobanuriye uko izo ndege zizifashishwa mu kugeza amaraso n’imiti ku bigo nderabuzima biri mu cyaro.

Biteganyijwe kandi ko Kim asura Agace k’Umujyi wa Kigali kaganewe inganda n’ikigo cy’udushya mu ikoranabuhanga, kLab.

JPEG - 53.1 kb
Minisitiri w’Ubuzima n’uw’Urubyiruko n’Ikoranabuhanga, bereka Perezida wa Banki y’Isi aho umushingwa wa Zipline ugeze

Perezida wa Banki y’Isi kandi ejo azatanga ikiganiro ku iterambere na gahunda zo guca burundu ubukene ku Isi kizabera muri Kigali Convention Centre; asure umudugudu w’icyitegererezo wa Kinyana mu karere ka Gasabo kandi akagirana ikiganiro na Perezida wa Repubulika, Paul Kagame nk’uko The New Times ibitangaza.

Mbere yo kuza, Dr Jim Yong Kim yavuze ko urugendo agirira mu Rwanda rugamije kureba udushya igihugu cyagezeho kugira ngo bizabere urugero ibindi bihugu.
Yasobanuye ko yifuza kuganira n’ubuyobozi bw’igihugu ku buryo urwego rw’ubucuruzi rwakoreshwa mu kuzamura umutungo w’igihugu binyuze mu bufatanye hagati ya Leta n’abikorera.

Ku cyumweru, Banki y’Isi yatangaje ko igiye gutera inkunga ya miliyari 47 z’amadorali imishinga y’ibihugu byo munsi y’Ubutayu bwa Sahara birimo n’u Rwanda mu myaka itatu iri imbere.

Perezida wa Banki y’Isi azava mu Rwanda yerekeza muri Tanzania.

.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE