2017-11-18 15:01:27 clouds 27o High | Kigali Rwanda

Dukurikire:
 
 

Inkunga USA iha amahanga ishobora kuvaho

Yanditswe na IMVAHO NSHYA

Kuya 2017-03-20 08:36:31

 
Share on:
 
Yasuwe:519
 
Yavuzweho:200
 
10
 
10

Kuva Perezida wa Leta Zunze Ubumwe z’Amerika (USA) Donald Trump yajya ku butegetsi, yakunze gufata ibyemezo ntibivugweho rumwe; ubu ikigezweho ni gahunda yo kugabanya inkunga yagenerwaga amahanga mu rwego rwo gushyira mu bikorwa ibyo yiyemeje.

USA yajyaga itanga mu bihugu by’amahanga igamije iterambere yanyuzwaga mu Muryango w’Abibumbye ishobora kugabanuka mu rwego rwo guteza imbere igisirikare cy’iki gihugu ndetse no kubaka urukuta rutandukanya USA na Mexico, nk’uko bikubiye mu gitekerezo cya Perezida Donald Trump cy’ingengo y’imari.

Iki gitekerezo cy’ingengo y’imari nicyemezwa n’Inteko Ishinga Amategeko ya USA (Congress) bizatuma habaho kugabanya inkunga ingana n’amadolari ya Amerika miliyari 10.9, ni ukuvuga ko hazabaho kubagabanuka kwayo ku gipimo cya 28%. Ikindi kandi hazabaho kugabanya amafaranga yagenerwaga ikigo gishinzwe ibidukikije ho amadolari miliyari 2.6, ni ukuvuga 31%.

JPEG - 226.8 kb
Donald Trump, Perezida wa Lete Zunze Ubumwe z’Amerika

Umuyobozi w’Ingengo y’imari mu biro bya Perezida muri USA, Mick Mulvaney, yavuze ko inkunga izagabanywa cyane ari igenewe ibihugu by’amahanga, impano ku bigo by’iterambere nka Banki y’Isi ndetse na gahunda z’Umuryango w’Abibumbye zo guhangana n’ihindagurika ry’ibihe.

Naho inkunga za gisirikare zahabwaga amahanga, zo zizahindurwamo inguzanyo. Gukuraho amafaranga yahabwaga ibigo bimwe na bimwe, bikazatuma habaho kuvaho kw’inkunga zahabwaga gahunda zimwe na zimwe mu mahanga.

Ikindi ni uko kugabanya 21% ku ngengo y’imari yahabwaga urwego rw’ubuhinzi muri USA bishobora gukuraho burundu gahunda iki gihugu cyatangagamo inkunga y’ibiribwa no kongera umusaruro hirya no hino ku isi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE