2017-10-16 07:05:01 clouds 27o High | Kigali Rwanda

Dukurikire:
 
 

Perezida Kagame yagiriye uruzinduko i Vatikani

Yanditswe na IMVAHO NSHYA

Kuya 2017-03-20 05:32:37

 
Share on:
 
Yasuwe:694
 
Yavuzweho:200
 
10
 
10

Perezida Kagame yagiriye uruzinduko i Vatikani, aho araganira n’Umushumba wa Kiliziya Gatolika Papa Francis ku mubano w’ibihugu byombi.

Ibiro bya Perezida wa Repubulika byatangaje ko umukuru w’igihugu yageze i Vatikani ku gicamunsi cyo ku cyumweru ku wa 19 Werurwe 2017 yitabiriye ubutumire bwa Papa Francis.

Kuri uyu wa Mbere nibwo Perezida Kagame arakirwa na Papa Francis. Ku wa Gatandatu ku ya 18 Werurwe, Papa Francis yatangaje ko ashyizeho intumwa ye nshya mu Rwanda, Musenyeri Andrzej Jowzowicz.

Mu mwaka ushize, Kiliziya Gatolika yasabiye imbabazi abakirisitu bayo bagize uruhare muri Jenoside yakorewe Abatutsi mu 1994. Ibi Perezida Kagame yabigarutseho mu nama y’Umushyikirano avuga ko Kiliziya Gatolika ikwiye gusaba imbabazi ku buryo bweruye nk’uko izisaba ku bapadiri basambanyije abana.

Kiliziya Gatolika, ni idini rifite abayoboke benshi mu Rwanda, rifite kandi n’ibikorwa bitandukanye by’iterambere birimo amashuri n’ibitaro.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE