2017-11-17 14:59:33 clouds 27o High | Kigali Rwanda

Dukurikire:
 
 

Minnaert ntiyemeranya n’abavuga ko Mukura yasubiye inyuma

Yanditswe na IMVAHO NSHYA

Kuya 2017-03-16 06:04:06

 
Share on:
 
Yasuwe:233
 
Yavuzweho:200
 
10
 
10

Umutoza wa Mukura, Ivan Minnaert aravuga ko abantu bakwiye gufunguka amaso bakabona ko hari impinduka ari gushyira mu mikininire y’iyi kipe.

Ibi arabitangaza mu gihe iyi kipe ishobora kwisanga mu cyiciro cya kabiri irebye nabi n’ubwo ikirusha amanota 6 ikipe ya Gicumbi FC iri mu murongo utukura, ikanarusha abiri Marines FC iyikurikiye.

Mu kiganiro n’itangazamakuru, Minnaert yavuze ko yahinduye imikinire aho asigaye arema uburyo bw’ibitego akaba asigaranye ikibazo no kubyaza ibitego uburyo buba bwabonetse.

Ati ’’Ntekereza ko ari ahanyu (abanyamakuru) ho gusubiza niba ikipe iri gutera imbere, niba mutabona ko ikipe iri gutera imbere nta maso mufite. Njye nta kindi narenzaho. Niba mutabona ko ikipe iri gutera imbere, mushake amadarubindi’’.

JPEG - 47.9 kb
Umutoza wa Mukura, Ivan Minnaert

Yakomeje avuga ko ntawahindura byose icya rimwe ko umuntu abihindura buhoro buhoro.

Nyuma y’imyitozo y’ejo hashize ku wa Gatatu taliki 15 Werurwe 2017, uyu mutoza yaganiriye na buri mukinnyi ku giti cye amubwira ko agomba gutsinda Espoir FC, umukino uzaba ku wa Gatandatu taliki 17 Werurwe 2017 i Huye mbere yo guhura na Rayon Sports iri mu nzira ziyiganisha ku gikombe.

Minnaert avuga ko agomba gukora ibishoboka byose akitwara neza muri iyi mikino. Kuva yafata iyi kipe muri Gashyantare 2017 , Minnaert yatsinze umukino umwe wa Pepiniere FC, anganya ibiri (Kiyovu na Etincelles) atsindwa kabiri (APR FC na Police FC). Mukura iri ku wa 13 n’amanota 20.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE