2017-11-17 14:59:33 clouds 27o High | Kigali Rwanda

Dukurikire:
 
 

Visi-Perezida w’u Buhinde yunamiye inzirakarengane za Jenoside yakorewe Abatutsi

Yanditswe na IMVAHO NSHYA

Kuya 2017-02-20 09:40:10

 
Share on:
 
Yasuwe:294
 
Yavuzweho:200
 
10
 
10

M Hamid Ansari, Visi-Perezida w’igihugu cy’u Buhinde, yashyize indabo ku rwibutso rwa Jenoside yakorewe Abatutsi rwa Kigali, ashimira Abanyarwanda kuba barashoboye kwimika ubumwe n’ubwiyunge.

Ansari, uri mu ruzinduko rw’iminsi itatu mu Rwanda, yasuye urwibutso rwa Kigali aherekejwe n’Umuyobozi wa Komisiyo y’Igihugu Ishinzwe ku Rwanda Jenoside, Dr. Jean Damascene Bizimana n’umuyobozi w’urwo rwibutso, Honore Gatera.

Nyuma yo gushyira indabo aho imibiri y’inzirakarengane za Jenoside ishyinguye no kuziha icyubahiro, Visi-Perezida w’u Buhinde yavuze ko yababajwe cyane no kuba amahanga yaratereranye u Rwanda.

Yongeyeho ko ariko yashimishijwe no kuba u Rwanda rwarongeye kwiyubaka, abaturage bakareka ingengabitekerezo z’urwango n’amacakubiri, bagafatanya mu iterambere.

Ati “Gusura uru rwibutso ni ikimenyetso kitazibagirana ku baturage b’u Buhinde no ku bwanjye ku giti cyanjye. Nishimiye ukwigira n’ubutwari Abanyarwanda berekanye ubwo basigaga inyuma urwango bagatangira inzira y’ubwiyunge no kudaheeza. Ni ubuhamya bukomeye bwo gukunda igihugu.”

Visi-Perezida Ansari yasobanuriwe amateka y’u Rwanda, mbere y’Ubukoloni, uko ba gashakabuhake baje kubiba umwuka mubi mu banyagihugu bakabacamo amoko n’ubutegetsi bubi bwaranze u Rwanda nyuma y’ubwigenge bukaganisha kuri Jenoside yakorewe Abatutsi mu 1994.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE