2017-09-25 08:13:20 clouds 27o High | Kigali Rwanda

Dukurikire:
 
 

Rubavu: Abagurishaga imbaho z’inzu bubakiwe ngo barye bagiye guhabwa imirima

Yanditswe na IMVAHO NSHYA

Kuya 2016-11-29 09:40:35

 
Share on:
 
Yasuwe:5
 
Yavuzweho:200
 
10
 
10

Ubuyobozi bw’Akarere ka Rubavu bwiyemeje gufasha abasigajwe inyuma n’amateka batuye mu mudugudu wa ‘Vision’ Akagari ka Busigariye mu murenge wa Cyanzarwe bari mu nzu zirangaye kuko bahisemo kugurisha imbaho z’ibyumba n’iz’ibikuta ngo babashe kubona ibibatunga.

Aba baturage bemerewe guhabwa ubutaka bubafasha kwikenura bakareka kwisenyeraho nubwo abenshi muri bo zisigaye ari ibirangarizwa zimeze nk’ibiraro by’amatungo.

Abazituyemo bavuga ko kuba bazituyemo zirangaye ntacyo bibatwaye kuko kuri bo “kurara mu nzu waburaye birutwa no kurara hanze.”

Umuyobozi w’Akarere ka Rubavu wungirije ushinzwe imibereho myiza y’abaturage Uwampayizina Marie Grace, yemeza ko bagiye kubaha imirima yo guhinga mu rwego rwo kubafasha kwikura mu bukene.

PNG - 1 Mb
Inzu bubakiwe zisigaye ari ibirangarizwa kuko bagurisha imbaho ngo bararire

Uretse kuba umuzenguruko w’amwe wa zimwe muri izi nzu waravuyeho n’iyo ugeze mu nzu zabo imbere usanga nta rukuta na rumwe rurimo ahubwo hameze nk’icyumba cy’inama.

Abandi bavuga ko gahunda bagenerwa na Leta nka girinka, VUP n’izindi zitabageraho nk’uko bikwiye bityo bakifuza ko ubuyobozi bwarushaho kubaba hafi ndetse no kubaha ibyo bagenerwe.

Indi nkuru bifitanye isano: Rubavu: Abasigajwe inyuma n’amateka bisenyeraho inzu bakagurisha imbaho

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE