2017-10-22 09:16:35 clouds 27o High | Kigali Rwanda

Dukurikire:
 
 

Rulindo: Umugore ukekwaho kwiba amatungo yatawe muri yombi

Yanditswe na IMVAHO NSHYA

Kuya 2016-11-27 06:48:52

 
Share on:
 
Yasuwe:24
 
Yavuzweho:200
 
10
 
10

Mu mudugudu wa Nyamugali, Akagari ka Gitare, Umurenge wa Base ku wa 24 Ugushyingo 2016 hafatiwe umugore witwa Nyiransengimana Beatrice ushinjwa n’abaturage kwiba ihene agahita ayica.

Abaturage bo mu murenge wa Base bamufashe bemeza ko yari agiye kuyishyira mu mufuka ngo ayijyane ku baguzi be. Si ubwa mbere uyu mugore akekwaho iki cyaha, kuko aba baturage bamushinja kuba asanzwe abigenza atyo.

Nyiransengimana wafashwe n'abaturage nyuma yo kwiba ihene

Nyiransengimana ushinjwa kwiba ihene y’uwitwa Tuyizere Julienne akanayica avuga ko atuye atuye ku Kabeza mu murenge wa Kanombe/Kicukiro. Yiyemerera ibyo ashinjwa, akanavuga ko atari ubwa mbere yiba amatungo. Abaturage bakaba bamufashe bakamushyikiriza inzego z’umutekano kugira ngo akurikiranwe ku byo aregwa.

Umuyobozi w’Umurenge wa Base wabereyemo iki cyaha Hakizimana Jean Baptiste, yasabye ababyeyi kwirinda ingeso mbi, bagashishikarira guha abana babo uburere burangwa n’indangagaciro z’Umunyarwanda w’inyangamugayo kandi nabo ubwabo bakabera ingero nziza abo babyara kugira ngo babakurikize kuko uwiba ahetse aba abwiriza uwo mu mugongo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE