2017-10-22 09:16:35 clouds 27o High | Kigali Rwanda

Dukurikire:
 
 

Ngoma: Umujura wafatanywe mudasobwa 7 yishwe arashwe

Yanditswe na IMVAHO NSHYA

Kuya 2016-11-24 10:24:10

 
Share on:
 
Yasuwe:16
 
Yavuzweho:200
 
10
 
10

Nzabonimana Jean de Dieu w’imyaka 21 yishwe arashwe, ubwo yageragezaga kukurwanya inzego z’umutekano nyuma yo gufatanywa modasobwa zigendwana ndwi bivugwa ko yibye ku kigo cy’urwunge rw’amashuri rwa Gahima, mu murenge wa Kibungo, Akarere ka Ngoma.

Iraswa rya Nzabonimana Jean de Dieu usanzwe uzwi ku izina rya ‘Swingi’ ryabaye mu gitondo cyo kuri uyu wa 23 Ugushyingo 2016, ahagana saa mbili ubwo yashakaga kurwanya Polisi n’izindi nzego z’umutekan.

Abasanzwe bazi Nzabonimana Jean de Dieu babwiye Imvaho Nshya ko ari umujura ruharwa kuko yajyaga avoma mazutu mu modoka, ubujura bwo kumena amazu, kwambura abantu no kwiba ubindi bikoresho bitandukanye.

JPEG - 141 kb
Inzego z’umutekano zakanguriye abaturage kwirinda, kurwanya ibyaha no kubikumira

Mapendo Girbert Umunyamabanga Nshingwabikorwa w’Umurenge wa Kibungo avuga ko mu minsi yashize Nzabonimana yaciye mu rihumye abazamu barinda ibiro by’Akagari ka Gahima, amena inyubako yako yinjiramo yiba mudasobwa n’ibindi bikoresho. Ubuyobozi buhamya ko uyu musore yajyaga afatwa yibye, agafungwa, nyuma agafungurwa.

Amakuru agaragaza ko icyabaye imbarutso y’iraswa rye ari uko ku ku munsi w’ejo tariki ya 23 Ugushyingo 2016, hari mudasobwa ndwi zigendanwa zabuze ku rwunge rw’amashuri rwa Gahima, inzego z’umutekano zishyiraho uburyo bwo kuzishakisha.

JPEG - 109.4 kb
Nzabonimana Jean de Dieu w’imyaka 21 yarashwe agerageza kurwanya Polisi ngo ayicike

Mu rukerera rwo kuri uyu wa 24 Ugushyingo ni bwo byatahuwe ko Nzabonimana ari we wazibye, ariko Polisi y’u Rwanda ikorera muri aka karere imutaye muri yombi agerageza kuyirwanya ashaka gucika. Ibi byatumye umwe mu baje kumufata amurasa arapfa.

Nyuma y’iraswa rya Nzabonimana, inzego z’ubuyobozi n’umutekano mu karere ka Ngoma zaganirije abaturage, zirabahumuriza, hanatangirwa ubutumwa bwo kwirinda ibyaha by’ubujura. Abaturage basabwe kujya batangira amakuru ku gihe, kugira ngo hakumirwe ibyaha bitaraba n’abashaka kubikora batabwe muri yombi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE