2017-09-25 08:13:20 clouds 27o High | Kigali Rwanda

Dukurikire:
 
 

Kigali: Hatangijwe imyiteguro y’Umunsi w’Intwari

Yanditswe na IMVAHO NSHYA

Kuya 2016-11-24 07:43:46

 
Share on:
 
Yasuwe:12
 
Yavuzweho:200
 
10
 
10

Urwego rushinzwe Intwari z’Igihugu, Imidari n’Impeta by’Ishimwe ku bufatanye n’inzego zitandukanye zigira uruhare mu munsi Mukuru w’Intwari z’Igihugu rwatangije imyiteguro y’uyu munsi mu mwaka wa 2017, usanzwe uba tariki ya 01 Gashyantare.

U Rwanda rwizihiza Umunsi mukuru w’Intwari z’Igihugu,buri mwaka nk’umwanya wo kuzirikana ibikorwa by’ikirenga Intwari zakoze, no gushishikariza Abanyarwanda bose cyane cyane urubyiruko kugera ikirenge mu cy’Intwari z’Igihugu.

Nk’uko Umunyamabanga Nshingwabikorwa w’Urwego Nkusi Deo yabigarutseho atangiza inama ku munsi Mukuru w’Intwari z’Igihugu 2017 i Kigali, avuga ko Abanyarwanda bazafata umwanya wo kuzirikana kuri gahunda na Politiki zubatse Igihugu kandi banaganire ku mahitamo bafite mu gusigasira ibyo u Rwanda rumaze kugeraho, n’ibyatuma rukomeza gutera imbere.

JPEG - 377.4 kb
Nkusi Deo Umunyamabanga Nshingwabikorwa w’Urwego rushinzwe Intwari z’Igihugu, Imidari n’Impeta by’Ishimwe atangiza inama

Mu biganiro bagiriye mu matsinda, abafatanyabikorwa mu gutegura uwo munsi, bagarutse ku bikorwa bizibandwaho birimo “Urugendo rwo kuzirikana ibikorwa by’ikirenga byaranze Intwari z’Igihugu, ruzaba ku wa 20/01/2017 i Kigali no mu Turere twose tw’Igihugu, igitaramo gisingiza Intwari z’igihugu kizabera kuri Sitade Amahoro ku wa 31 Mutarama 2017, ibiganiro bitandukanye bizatangwa, Umuhango wo gushyira indabo ku Gicumbi cy’Intwari i Remera n’ibirori bizabera ku rwego rw’umudugudu ku wa 01 Gashyantare 2017.

Umunsi Mukuru w’Intwari z’Igihugu ubu uzaba wizihizwa mu Rwanda ku nshuro ya 23; Urwego rushinzwe Intwari z’Igihugu, Imidari n’Impeta by’Ishimwe n’abafatanyabikorwa barwo mu gutegura uyu munsi barashishikariza Abanyarwanda kuzitabira gahunda iteganyijwe izadufasha kuzirikana ibikorwa by’ikirenga byaranze Intwari z’Igihugu.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE