2017-10-19 07:53:31 clouds 27o High | Kigali Rwanda

Dukurikire:
 
 

Kicukiro: Abafundi bagowe no kubakira abandi izabo zarabananiye

Yanditswe na IMVAHO NSHYA

Kuya 2016-11-22 07:19:58

 
Share on:
 
Yasuwe:3
 
Yavuzweho:200
 
10
 
10

Bamwe mu bafundi bo mukarere ka Kicukiro bahangayikishijwe n’ubushobozi buke bujyanye n’amikoro butuma batabasha kwigondera inzu mu karere ka Kicukiro, mu gihe badasiba kuzuza inzu ziteye amabengeza z’abandi.

Aba bafundi bemeza ko uretse amikoro ngo hari n’ibindi byangombwa bazi bisabwa ngo babashe kubakabyabagora kubibona.

Abafundi bahuriye muri Sindika y’Abakora mu bwubatsi, ububaji n’Ubukorikori (STECOMA) mu karere ka Kicukiro, bagaragaje ibi bibazo ubwo bahuraga na Meya w’Akarere ka Kicukiro Dr Jeanne Nyirahabimana.

JPEG - 99.6 kb
Kubakira abandi mu mujyi wa kigali ngo biraborohera ariko kuzamura izabo byabaye inzozi

Mu bibazo babajije Umuyobozi w’Akarere, Ikibazo cyo kubona icumbi mu mujyi wa Kigali na cyo ngo kirabakomereye kubera ko inzu zisabwa kubakwa zihenze.

Bamwe muri aba bafundi babajije umuyobozi w’akarere icyo bateganyirizwa kugira ngo nabo bazabashe kubaka mu mujyi wa Kigali.

Dr Nyirahabimana yabagiriye inama yo kwishyira hamwe kuko ngo nibishyira hamwe imbaraga zizaba nyinshi noneho ubwo bufatanye bwabo buzabageze ku kintu kinini kigaragara cyabageza ku macumbi meza.

Muri iyi nama yari yateguwe n’ishami rya STECOMA rya FPR-Inkotanyi muri Kicukiro, Dr Nyirahabimana yabasabye gufasha akarere kurwanya akajagari mu myubakire bagendeye ku kuba ari abatekinisiye, bakajya bagira inama abo bagiye kubakira ko bagomba kubaka bafite ibyangombwa kandi basanga ntabyo bafite ntibabakorere.

Mu Rwanda hose, STECOMA ivuga ko ifite abanyamuryango b’abafundi 48 000, mu gihe abanyamuryango bayo muri Kicukiro ari 2000.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE