2017-10-19 07:53:31 clouds 27o High | Kigali Rwanda

Dukurikire:
 
 

Perezida Paul Kagame yakiriye mu Rwanda umwami wa Maroc (Amafoto)

Yanditswe na IMVAHO NSHYA

Kuya 2016-10-19 06:13:11

 
Share on:
 
Yasuwe:6
 
Yavuzweho:200
 
10
 
10

Umwami Mohammed VI wa Maroc, yasesekaye mu Rwanda ku mugoroba wo kuri uyu wa 18 Ukwakira 2016, aho yitabiriye ubutumire bwa Perezida w’u Rwanda, Paul Kagame.

Mohammed VI aje mu Rwanda nyuma y’uruzinduko Perezida Kagame yagiriye muri Maroc ku wa 20 Kamena muri uyu mwaka.

Muri urwo ruzinduko umukuru w’igihugu yambitswe umudali w’icyubahiro wa Maroc witiriwe Wissam Al-Mohammadi.

Uru ruzinduko kandi rubaye mu gihe Maroc yafashe umwanzuro wo kugaruka mu muryango w’Ubumwe bwa Afurika (AU).

Maroc yari yivanye muri AU icyitwa OUA mu 1984 bitewe n’ukutumvikana guturutse ku kuba yaragenzuraga igihugu cya Sahara y’Uburengerazuba kandi nayo iri muri uwo muryango.

U Rwanda na Maroc kandi byemeranyije gutsura umubano mu nzego zitandukanye zirimo ishoramari, aho abenyemari batandukanye bo mu bwami bwa Maroc batangiye kuzana ibigo byabo mu Rwanda.

Kimwe muri ibyo bigo ni Banki Attijariwafa yamaze kugura Cogebanque imwe mu mabanki akomeye mu Rwanda.

Mohammed VI azakomereza muri Tanzania na Ethiopia. Ni mu gihe Maroc yitegura kugaruka mu muryango w’Ubumwe bwa Afurika.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE