2017-09-24 09:25:05 clouds 27o High | Kigali Rwanda

Dukurikire:
 
 

Mo Ibrahim: U Rwanda rwaje mu bihugu 5 bya Afurika bifite imiyoborere irushaho kuba myiza

Yanditswe na IMVAHO NSHYA

Kuya 2016-10-04 06:08:51

 
Share on:
 
Yasuwe:1
 
Yavuzweho:200
 
10
 
10

Umuryango Mo Ibrahim Foundation wagaragaje ko mu myaka icumi ishize imiyoborere y’u Rwanda yarushijeho kuba myiza, rukaba igihugu cya 9 gifite imiyoborere myiza ku mugabane wa Afurika.

Mu cyegeranyo gishya cy’uyu muryango w’umuherwe wo muri Sudani, Mo Ibrahim, u Rwanda rwaje ku mwanya wa 5 muri Afurika rufite imiyoborere igenda igana aheza, ku rugero rwa 8.5% mu myaka icumi ishize.

Rubanzirizwa na Cote d’Ivoire, Togo, Zimbabwe na Liberia, naho mu kugira imiyoborere myiza muri rusange, u Rwanda rwaje ku mwanya wa cyenda, ni cyo gihugu cyo muri Afurika y’Uburasirazuba cyaje muri iyo myanya cyonyine, ndetse ni nacyo cyonyine cyinjiye mu myanya icumi ya mbere. Mu mwaka ushize wa 2015 rwari ku mwanya wa 15, n’amanota 61.5.

JPEG - 91.3 kb
Umuherwe Mo Ibrahim ahamya ko mu myaka icumi ishize imiyoborere mu bihugu byinshi bya Afurika yagiye irushaho kuba myiza

Mu karere u Rwanda rwakurikiwe na Kenya iri ku mwanya wa 13, Uganda 24, Repubulika Iharanira Demokarasi ya Congo iza ku wa 26, Tanzania 44 n’u Burundi 50 mu bihugu 57 byakoreweho ubushakashatsi.

Ibihugu bya Afurika byasubiye inyuma mu miyoborere biyobowe na Libya yasubiye inyuma ku rugero rwa -18%, Madagascar, -7.6%, Eritrea, - 5.6%, Centrafrique, - 4.9 na Mali 4,7%.

JPEG - 174.8 kb
Urutonde rwerekana uko ibihugu byagiye bitera imbere mu miyoborere, n’ibindi bigasubira inyuma
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE