2017-10-19 07:53:31 clouds 27o High | Kigali Rwanda

Dukurikire:
 
 

Gicumbi yagejeje muri FERWAFA abakinnyi 27 izifashisha

Yanditswe na IMVAHO NSHYA

Kuya 2016-09-27 08:46:23

 
Share on:
 
Yasuwe:58
 
Yavuzweho:200
 
10
 
10

Ikipe ya Gicumbi FC yamaze kugeza mu ishyirahamwe ry’umupira w’amaguru mu Rwanda “FERWAFA” urutonde rw’abakinnyi 27 izifashisha mu mwaka w’imikino wa 2016-2017.

Ni urutonde rugaragaraho abakinnyi 14 basanzwe muri iyi kipe aribo Uwingabire Olivier,Uwineza Jean de Dieu, Uwimana Jean de Dieu, Muhumure Omar, Hakorimana Hamad, Uzayisenga Maurice, Ntijyinama Patrick, Harerimana Fidele, Harerimana Obedi, Mudeyi Suleyimani, Mutebi Rachid, Ndayambaje Selemani Dushimimana Irene na Djemba Banga Kalume.

JPEG - 213.5 kb
Uwingabire Olivier (12) ari mu bakinnyi bagumye muri Gicumbi FC

Haragaragaraho abakinnyi bashya 13 ari bo Musoni Theophile (Rayon Sports), Nshimiyimana Jean Claude (Espoir FC), Mizero Alain (SEC), Mungwarareba Aphrodis (Musanze FC), Gasore Kalisa Patrick (GTC), Nyabyenda Jean de Dieu (Sunrise FC), Shyaka Pierre Celestin (Pepiniere FC), Niyonzima Emmanuel (Mukura VS), Nkunzimana Saadi (Pepiniere FC), Nduwayo Valens (Hope), Mugisha Patrick (Rwamagana City FC), Rutayisire Egide (Musanze FC) na Rugerinyange Kalim (SEC).

N’ubwo yaguze abakinnyi bashya, Gicumbi FC yatakaje abakinnyi b’inkingi nka Rucogoza Aimable Mambo wagiye muri Bugesera FC, Antoine Dominique Ndayishimiye wagiye muri Police FC na Ivan Senyange wagiye muri Rayon Sports.

Umutoza wungirije wa Gicumbi FC, Kamali Methode avuga ko abakinnyi babo bamaze kugera ku rwego rwiza mu byumweru bitatu bamaze mu myitozo n’ubwo hakiri ikibazo cy’imyitozo ngororamubiri.

Yagize ati “Ntabwo imibiri yabo yari yamenyerana ku buryo wavuga ngo shampiyona itangiye bahita bakina ariko ku bijyanye na tekinike wabona ko bari ku rwego rwiza. Ariko ku bijyanye n’ingufu ntibari ku rwego rwiza ku buryo bakina iminota 90 ahubwo bashobora nibura gukina 45. Ikindi gisigaye ni uguhuza imikino”.

Kamali akavuga ko shampiyona izajya kugera baramaze kwitegura bihagije cyane ko bagiteganya imikino ine ya gicuti. Gicumbi FC igiye gutangira umwaka itagihabwa inkunga n’akarere ikaba kuri ubu iri mu maboko y’abaturage ba Gicumbi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE