2017-10-16 07:05:01 clouds 27o High | Kigali Rwanda

Dukurikire:
 
 

Kigali: Yateguye igitaramo nticyitabirwa, yishimira ko atahombye

Yanditswe na IMVAHO NSHYA

Kuya 2016-09-25 13:33:37

 
Share on:
 
Yasuwe:14
 
Yavuzweho:200
 
10
 
10

Ntawirema Celestin yateguye ibirori byo kumurika imideli ishingiye ku muco Rwanda Cultural Fashion Show ntibyitabirwa ariko yishimira ko atigeze ahomba kuko yari afite abaterankunga benshi.

Ibi birori byabaye mu ijoro ryo ku ya 24 Nzeri 2016 i Kigali byitabiriwe n’abantu bake kuko byagaragaragamo ko hari imyanya myinshi itari yicayemo abantu.

Hamuritswe imyenda y’abatunganya imideli batandatu mu gihe hari hitezwe n’abandi ariko bakagira imbogamizi bamwe ntibaze abandi bo bakaba batamuritse nubwo bari bahari. Ibi birori kandi ntibyitabiriwe nk’uko byari byitezwe kuko wasangaga imyanya myinshi ibereye aho.

JPEG - 300.7 kb
Uyu ni umwe mu banyamideli berekanye imideli

Ntawirema Celestin utegura ibi birori yavuze ko nubwo ubwitabire bwabaye buke, atigeze ahomba kuko yari afite abaterankunga benshi, ati “Ntabwo ibirori byitabiriwe gusa nishimiye ko ntahombye kuko nari mfite abaterankunga benshi.”

Harerimana Gamariel uzwi nka Gama werekanye imideli muri icyo gikorwa yavuze ko kuba ibirori bititabiriwe cyane ari uko mu Rwanda absnhi batariyumvamo cyane ibirori byo kwerekana imideli.

Vinni Clizz utunganya imideli muri Kenya, we yishimiye uburyo imurika ryagenze nubwo rititabiriwe cyane.

JPEG - 297.2 kb
Umunyamideli werekanaga imirimbire y’abari bo muri Botswana

Kuri bamwe bari bari mu birori, bahamije ko batigeze batungurwa n’uko ibyo birori bititabiriwe kuko bitigeze byamamazwa bihagije. Gusa muri bake bitabiriye hagaragayemo abanyamahanga cyane kurusha Abanyarwanda.

Ibi birori bibaye ku nshuro yabyo ya kane. Mu rwego rwo gukomeza guteza imbere imideli nyarwanda, Ntawirema yemeza ko muri uyu mwuga hakirimo imbogamizi ngo ariko afite icyizere ko hari igihe Abanyarwanda bazabikunda bigakomeza gutera imbere.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE