2017-09-20 12:30:19 clouds 27o High | Kigali Rwanda

Dukurikire:
 
 

USA: Netanyahu yabwiye Perezida Kagame ko Isiraheli igiye kuzanira u Rwanda udushya

Yanditswe na IMVAHO NSHYA

Kuya 2016-09-23 12:21:19

 
Share on:
 
Yasuwe:4
 
Yavuzweho:200
 
10
 
10

Perezida w’u Rwanda, Paul Kagame n’abandi bakuru b’ibihugu bya Afurika baganiriye na Minisitiri w’Intebe wa Isirahel, Benjamin Netanyahu ku dushya icyo gihugu gihishiye umugabane.

Netanyahu yavuze ko Isiraheli yiteguye kuba umufatanyabikorwa ukomeye wa Afurika.

Ati”Afurika ituma dutekereza cyane, dushaka kugirana ubufatanye n’ubucuti na buri gihugu kigize uyu mugabane.”

Abakuru b’ibihugu kandi baneretswe ikoranabuhanga Isiraheli ishaka gukoresha ifasha ibihugu bya Afurika mu iterambere.

Kimwe mu bigo byamuritse ibikorwa ni Energiya Global Capital, gikora imishinga y’amashanyarazi akomoka ku zuba, iki kigo ni cyo cyubatse mu Rwanda umurima w’ayo mashanyarazi wa mbere muri Afurika y’Uburasirazuba, utanga Megawati 8.5.

Umuyobozi wa Energiya Globa Capital yavuze ko bagiye gushora miliyari ebyiri z’amadorali ku mugabane wa Afurika mu myaka ine iri imbere.

Netanyahu yabwiye Perezida Kagame na bagenzi be ko Isiraheli yiteze kuzamura Afurika ibinyujije mu ikoranabuhanga ryayo.

Ati”Ikoranabuhanga rihindura byose. Kandi rikoreshwa mu nzego zitandukanye: Mu buvuzi, ubuhinzi, uburezi n’ahandi henshi. Dushaka gusangiza Isi ku ikoranabuhanga ryacu.”

Minisitiri w’Intebe wa Isiraheli aherutse kugirira uruzinduko mu Rwanda, Kenya, Ethiopia na Uganda. Icyo gihe yasabye Abanyarwanda guhumuka bakirinda uwo ari we wese ushaka kubagirira nabi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE