2017-09-25 08:13:20 clouds 27o High | Kigali Rwanda

Dukurikire:
 
 

Depite Nyirasafari yasuye abaturage atungurwa no gusanga nta kibazo na kimwe bafite

Yanditswe na IMVAHO NSHYA

Kuya 2016-09-15 07:45:12

 
Share on:
 
Yasuwe:22
 
Yavuzweho:200
 
10
 
10

Muri gahunda Abadepite bihaye yo kujya mu turere dutandukanye bakaganiriza abaturage n’ubuyobozi ku bibazo bibabangamiye ndetse no gushakira hamwe umuti w’ibyo bibazo, umudepite wasuye umurenge wa Karenge mu karere ka Rwamagana yatunguwe no gusanga abaturage nta kibazo na kimwe bafite.

Depite Nyirasafari Esperance, wasuye uyu murenge wa Karenge, yagaragaje ko atunguwe cyane no gusanga abaturage nta kibazo na kimwe bafite, ahubwo bishimira ibisubizo bagejejweho n’ubuyobozi bwiza.

Nyuma yo gusoza ibiganiro yagiranye n’abaturage, Depite Nyirasafari yagize ati “Kuva twatangira izi ngendo ni ubwa mbere mbonye abaturage badafite ibibazo, ahubwo mwese murashima, mwifuza ko igihe cyagera vuba mukitorera Perezida Kagame. Ibi nanjye nabyiboneye kandi ndabibwira n’abandi ko nasanze i Karenge nta bibazo bihari, ahubwo ari ibisubizo gusa.”

JPEG - 36.8 kb
Abaturage bo mu murenge wa Karenge bagaragaje ko ibibazo byose byakemutse

Muri ibi biganiro, ubwo abaturage bahabwaga umwanya wo kubaza ibibazo bibabangamiye, haje abaturage barenga 15, hafi ya bose bashima gahunda zabagezeho, bagaragaza ko n’ibibazo bahoze bafite ubu byakemutse, n’ibitarakemuka bikaba biri mu nzira yo kubonerwa umuti.

Munyamasoko Celestin, umwe mu baturage bahawe ijambo, yagize ati “Ikinzanye ni ugushima aho Leta itugejeje, ubu inaha twiteje imbere, iterambere ryose mfite ndarikesha Perezida wa Repubulika.

Ikibazo (twari) dufite inaha ni icya koperative ya Koziibi yatwambuye, ariko twamenye ko ubuyobozi bwacu bwagikozeho, ahubwo dutindiwe n’igihe cy’amatora ngo twitorere Perezida Kagame dukesha ibi byose.”

Kanayomba Odette, umuturage wo mu kagari ka Karenge nawe yagize ati “Ubu ababyeyi turashima gahunda y’umugoroba w’ababyeyi kuko waradufashije cyane, ubu turi mu nzira zo kurandura ihohoterwa ryo mu ngo kandi tuzabigeraho kubera ubufatanye bwacu twese.”

Umuyobozi w’akarere ka Rwamagana Mbonyumuvunyi Radjab, yavuze ko n’ikibazo cy’umuhanda aba baturage bari bafite watangiye gukorwa, ubu bakaba bamaze gukora ibilometero birenga 7.

Yakomeje abashishikariza gukora, dore ko muri aka gace ari ho hantu hera cyane mu karere ka Rwamagana, ndetse hakaba hari abaturage bazwiho gukora cyane.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE