2017-10-22 09:16:35 clouds 27o High | Kigali Rwanda

Dukurikire:
 
 

Mufti w’u Rwanda yasabiye ibihano Abayisilamu bakiyumvamo guhungabanya umutekano

Yanditswe na IMVAHO NSHYA

Kuya 2016-09-12 13:54:18

 
Share on:
 
Yasuwe:1
 
Yavuzweho:200
 
10
 
10

Mufti w’u Rwanda Sheikh Hitimana Salim, yabwiye abayisilamu ko abagifite imitekerereze ya gitagondwa bagiye gusabirwa ihaniro ryihariye.

Ku munsi w’ibitambo wa Eid El Adha, Mufti w’u Rwanda yasobanuye ko idini ya Isilamu yaje ari igisubizo ku kiremwamuntu idashobora kuba ikibazo.

Ati “Abo bantu bitwara nabi bafite inyigisho zihabanye, zidashingiye k’ukuri ku idini ya Isilamu ahubwo zishingiye ku marangamutima cyangwa ku bakoze iriya ngengabitekerezo ariko mu idini ya Isilamu ntaho tubisanga.”

JPEG - 407.9 kb
Abayisilamu bari bitabiriye ku bwinshi isengesho ryo ku munsi wa Eid el Adha (Foto James R)

Ibyo abibona nk’ibyago byabaziye nk’abayisilamu, kuko abo bantu bitwara nabi bagaragaye mu bantu babana, akenshi baba bari kumwe hamwe mu nsengero ikindi kandi na bimwe mu byo bakoresha ugasanga ari ibirango abayisilamu bakoresha.

Ati “Tugomba guhashya abo bantu kandi tugerageza kubasobanukirwa abo ari bo n’ibyo bavuga kugira ngo dushobore kubafasha kuko ni abavandimwe bacu tubakure ibuzimu tubazana ibuntu ni binanirana haterwe intambwe na Isilamu irayemera y’uko abo bantu bashyirwa mu ihaniro cyangwa mu irerero kubera ko uwo muntu abuza umudendezo bagenzi be.”

Yunzemo ati “Icyagaragaye ababyeyi benshi barahuze bahugiye mu mirimo, abandi barihugije nta mirimo bafite kubera ikintu cyo gutinya abana, aho usanga umwana arusha umubyeyi gukerebuka bitewe n’ibihe turimo.”

Umunsi wa Eid el Adha ni umunsi ukomeye ku idini ya Isilamu, ukaba ari umugenzo wigishijwe n’Aburahamu ubwo Imana yamutegekaga gutamba umwana we uba rimwe mu mwaka, ukizihizwa mu gihe abayisilamu baturutse impande n’impande baba bagiye gukora umutambagiro mutagatifu i Makka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE