2017-09-23 09:22:12 clouds 27o High | Kigali Rwanda

Dukurikire:
 
 

Perezida Kagame yibukije abanyeshuri icyo u Rwanda rwahisemo

Yanditswe na IMVAHO NSHYA

Kuya 2016-09-11 11:09:34

 
Share on:
 
Yasuwe:1
 
Yavuzweho:200
 
10
 
10

Perezida Paul Kagame yahuye n’urubyiruko rw’abanyeshuri ba kaminuza basoje Itorero Intagamburuzwa abibutsa ko u Rwanda rwahisemo Ubumwe, gukorera mu mucyo no kureba kure, anabasaba kugaragaza uruhare rwabo muri aya mahitamo.

Kuri iki cyumweru tariki 11 Nzeri 2016, ni bwo aba banyeshuri basaga 2000 basoje itorero bahuye na Perezida Kagame muri Convention Center.

Perezida Kagame yahuye n'abanyeshuri basaga 2000 kuri iki cyumweru

Yibukije uru rubyiruko ko rukwiye kugira ibyo rwigomba n’ibyo rugomba abandi n’igihugu ndetse rugahora rwiteguye kugira icyo rukora mu kugera ku ntego igihugu cyihaye.

Umukuru y’Igihugu yabibukije ko gushaka ibisubizo bitari kure ati “Ntimukwiye kurota inzozi nini gusa, mukwiye kureba kure ndetse mugatekereza ku ntego zihambaye. Igihugu cyacu gishobora kuba ari gito ariko abaturage batekereza byagutse. Ibitekerezo byacu ntibigarukira ku mipaka y’igihugu.”

Yabwiye aba banyeshuri ko batazagera ku ntego bafite kubera kwiga gusa kuko uburezi ari ibibaranga nyamara gukora cyane n’ubwitange bikaba ari byo bizafasha kuba abo bifuza kuba.

Perezida Kagame yizera ko mu gihe uru rubyiruko rumaze ruhabwa ubumenyi n’uburere mboneragihugu mu Itorero rudatahanye ubusa, arusaba gukoresha ubumenyi bahawe kuko nibamera neza n’igihugu kizaba kimeze neza.

Yongeyeho ati "Ntidukwiye kuba Igihugu cy’imfabusa. Ntidukwiye kugira ikintu na kimwe gipfa ubusa muri iki gihugu. Imbaraga zanyu mwese muri iki cyumba n’abandi bari hirya no hino mu gihugu ntizikwiye kuba imfabusa."

Aba banyeshuri kumenya uko bahagarara bakirwanaho mu gihe bikenewe byanaba ngombwa bakarwanirira igihugu cyabo mu gihe ari ngombwa.

Madamu Jeannette Kagame mu bayobozi bakiriye aba banyeshuri

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE