2017-09-23 09:22:12 clouds 27o High | Kigali Rwanda

Dukurikire:
 
 

Kagame yibukije inyungu zo kubungabunga ibidukikije

Yanditswe na IMVAHO NSHYA

Kuya 2016-09-02 16:54:07

 
Share on:
 
Yasuwe:6
 
Yavuzweho:200
 
10
 
10

Mu muhango wo kwita izina ingagi ku nshuro ya 12, wabereye mu karere ka Musanze Umurenge wa Kinigi, Umukuru w’Igihugu Paul Kagame yasabye abaturage kwita no kubungabunga ibidukikije, kuko na bo ibyiza byo kubibungabunga bigomba kubageraho.

Abaturage nabo bashimangira ko bamaze kugera kuri byinshi bakesha Pariki y’Ibirunga, bityo kutita ku bidukikije ari ukudindiza iterambere.

Perezida Kagame wayoboye uyu muhango ubaye ku nshuro ya cumin a kabiri (12), yagize ati “Mufate neza ibidukikije mwita ku mashyamba n’izi ngagi kugira ngo ba mukererugendo bazisure baze kuzita amazina kubera ko zibayeho neza, ndetse n’ibivamo ntibibarenge ngo bijye ahandi, kuko bigenda byiyongera na mwe ni ko mubona inyungu nyinshi zigenda ziyongera zikabageraho.”

Yakomeje avuga ko kwita ku bidukikije ari inshingano ya buri Munyarwanda harimo n’urubyiruko, kuko na we agomba kubigiramo inyungu abigizemo uruhare nka bimwe mu bikorwa bimuteza imbere.

Muhashyi Isaac wo muri Kinigi, yagize ati “Nyuma yo kumva impanuro ya Perezida wa Repubulika tugiye gukaza umurego mu kurinda iyi pariki, nshingiye ko ubu dufite amashuri meza n’amavuriro hafi yacu, mbese ni ikigega cyacu ntawagitwika.”

Umukuru w’Igihugu yanasabye ko Umuhango wo Kwita Izina utarangirira ku ngagi gusa ahubwo n’abana b’Intare bazajya bitwa amazina.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE