2017-09-24 09:25:05 clouds 27o High | Kigali Rwanda

Dukurikire:
 
 

Narangije gukina banyita umusaza, none ntangiye gutoza bati ‘ni umwana’ - Mulisa

Yanditswe na IMVAHO NSHYA

Kuya 2016-08-26 15:47:33

 
Share on:
 
Yasuwe:1
 
Yavuzweho:200
 
10
 
10

Jimmy Mulisa yanyomoje abavuga ko nta bunararibonye afite mu gutoza nyuma yo kugirwa umutoza mukuru w’ikipe y’igihugu by’agateganyo avuye ku kuba umwungiriza.

Mulisa Jimmy w’imyaka 32 yahawe ikipe y’igihugu ku wa Kabiri taliki 23 Kanama 2016 nyuma yaho Kanyankore Gilbert Yaounde na Nshimiyimana Eric batabashije gukomezanya nayo.

Aganira n’itangazamakuru uyu mutoza wari wungirije Jonathan McKinstry yavuze ko yishimiye aka kazi ariko anavuga ko atishimira kwitwa umwana mu gihe ahawe ikipe y’igihugu nyamara agikinira byavugwaga ko akuze.

Mulisa yagize ati “Byaranshimishije guhabwa izi nshingano zo kuba umutoza wa mbere, ni icyubahiro kuri njye. Uri umukinnyi watangira kuba umutoza ukagirwa uw’Amavubi ni ibintu byiza. Hari abantu bavuga ngo ndi umwana, nta bunararibonye afite ariko iyo umaze imyaka 16 mu mupira iyo ni experience. Njye narangije gukina banyita umusaza, none ntangiye gutoza bati ni umwana’’.

JPEG - 40.6 kb
Jimmy Mulisa arimo gukoresha imyitozo abasore azajyana muri Ghana

Mulisa yerekanye ko afite gahunda yo gutegura abakinnyi b’Amavubi nabo bakaba bafite ishyaka ryo gukuraho ibivugwa by’uko batashobora gutsinda Ghana. Ati “Iyo baguhaye inshingano ubanza ukareba uwo mugiye gukina, ugapanga uko uzakina. Namaze kubimenya kuko nari n’umutoza wugirije. Nk’ubu Lisiti ya Ghana ndayizi, turayiteguye cyane”.

Jimmy Mulisa wungirijwe na Mashami Vincent bazayoboa ikipe y’igihugu ku mukino wa nyuma mu itsinda H mu gushaka itike CAN 2017 aho u Rwanda ruzakirwa na Ghana taLiki ya 3 Nzeli 2016.

Kugeza ubu Ghana yamaze kubona itike yo gukina iki gikombe aho iyoboye itsinda H n’amanota 13 mu gihe u Rwanda ruri ku mwanya wa kabiri n’amanota 6.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE